نئجه یازاق / آیهان میانالې (مقاله‌)

نئجه یازاق / آیهان میانالې (أدبی مقاله‌)

یئنی یازماغا باشلایان‌لار اۆچۆن اۏن‌بیر ماراقلې قۏنو!

1- هر شئی‌دن اؤنجه اؤز یاشادېق‌لارېنېزې یازېب، یارادېن.

2- یئرلی و تانېنمېش سؤزجۆک‌لردن یارارلاناراق، اۏخوجویا یاد بیر یازېنې دادېزدېرمایېن.

3- اوزون و یۏروجو جۆمله‌لردن ایراق دوروب، قېسا بیر بیچیمده، جۆمله‌نیزی اۏن‌ایکی سؤزجۆکدن آرتېق اوزالتمایېن.

4- ‌چۏخ بوروشوقلو سؤزجۆک‌لری ایشلتمه‌ییب، جۆمله‌نیزده قۏشولو سؤزجۆک‌لرینیزی، بئش سؤجۆکدن آرتېق إتمه‌یین. قېسا سؤزجۆک‌لری قوللانماق، سیزی دۆشۆندۆرۆجۆ بیر دوروما سالاراق، چۏخ قېسا بیر بیچیمده بؤیۆک تصویرلری یاراتماغا نه‌دن اۏلا بیلر.

5- آنلامېنې بیلمه‌دیڲینیز سؤزجۆک‌لری قوللانمایېن؛ نه‌دن کی یازېنېزېن سۏنوج اۏتراغې، اۏخوجونون دۆشۆنجه‌سی اۏلا بیلمز. اۏ سؤزجۆک‌لری، یاماق کیمی یازېنېزدا ایشلتسه‌نیز، یقین اۏخوجونو دا آنلایېش بیچیم‌لرینه سېغېشدېرا بیلمک ایمکانېندا گؤرۆنه بیلمه‌سیز! اۏ اۆزدن اؤز و یئرلی سؤزجۆک‌لردن ایشله‌دین و یازېنېزدا گؤزل بیر اینجه‌لیک و اۆره‌ڲه یاتېم‌لېق یارادېن!

6- جۆمله‌لرینیزین اؤنجه‌کی و سۏنراسې جۆمله’یله ایلگیسی اۏلمالې دېر. یاخشې و گؤزل بیر یازې، آردېجېل جۆمله‌لرین بیر آرایا گلیب، سېراسال اۏلماغې’یلا یارانار.

7- سیمگه‌لردن آسلانېب اوجالماغا دۆشۆنمه‌یین. بیر باجارېقلې یازار، سیمگه‌لری قوللوغا آلاراق، اۏنلارې آردې’یجا سۆرۆتله‌یر؛ سیمگه‌لر سیزی سۆرۆتله‌سه، یقین کی سیز شوعارا دالېب‌سېنېز!

8- یازې‌لارېنېزدا صیفت‌لردن و ایمگه‌لردن حدسیزجه قوللانمایېن. اۏن سطیرلیک بیر یازې‌نېن أن چۏخ قوللانېلان ایمگه‌سی، ایکی‌دن دؤرد تصویره‌جن اۏلا بیلر.

9- أن آزې بو قورال‌لارې تام بیر ایل تکرار إده‌رک، یازېنېزېن ایمضاسې‌نې بَلیرلندیرین!

10- مدرسه‌دن، بیل‌یورددان، سانال اۏرتام‌لارېن شاعیرسل یېغېنجاق‌لارېندان آلدېغېنېز یانلېش دیل أڲیتیم‌لردن یاخانېزې قورتارماغا، مین اۏخویوب، بیر یازمالې‌سېنېز.

11- گۆجسۆز یازېنېز اۏلسا دا، اؤزۆنۆز یازېن. باشقاسېنې یامسېلایارق، اوجالماق ایمکان‌سېز دېر!

 

آیهان میانالې