یئنی قاپې Yeni Qapı یئنی قاپې، یئنی بير باخېش‌دېر تۆرک دۆنیاسېنا
اؤلۆم پنجره‌سی / آینار تبریزلی
دۆنیانېن أڲنینـه سېغمازام
بۏشلوق دېر ایچیمده‌کی یئری
و دۆنیا
سېغاللاماز دردیمین بۏران‌لېق‌لارېنې!
کسگین گئتمه‌لی‌یـــم…
بولودلارا باغلانماغېم گلیر
بیر بولود یاغمالې‌یــام گنج‌لیڲیمی
سۏنرا
تۏپلایېن منی…
بوخچالانسېن قېزلېغېم
چاتېن اۏموزلارېم اۆسته قانادسېز یالقېزلېغېمې
و هئئئی
گۆزگۆلر’له دانېشېم قېزلېغېمې
و
آتش بۏیالې ماتیک‌لرده
آخېم دۏداق‌لارېمې
گۆلۆمسه‌نیم قان قېرمېزې یارانېش تاققېلتې‌سېنــا…
سۏنرا،
أل‌لرینده اونودوم
اۆره‌ڲیمده کیفسَنمیش بۏشلوغونو
و منیم اۏلمایان بیرینی
آددېملایېم عؤمرۆن صاباح‌لارېنـــدا
بلکه ده اونودمالې‌یــام،
بۏشلوغونون شهوَتینی ایچیمده تیتره‌ییب شعریمه کؤرپه دۏغمالې‌یــام
هـــه
چیلپه‌ڲینی سردیڲیم داش‌لاردا
سیلدیم سنی!
آغلا
آغلا
آغلا اوزاق‌لاردا یانمېش سئوگی‌نین قۏخوسونو
یوخولارېم پېچاقلانمېشدې سئوگیمده…
.
سنی
یوخلاتمېشام اؤلۆم پنجره‌سینده!
