یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
اؤلنده… / سؤهراب طاهیر (شعر)
اؤلنده کفَنیم ایکی‌قات اۏلسون،
من هم اۏ تایېنام، هم ده بو تایېن.
قۏی بۆتۆن دۆنیایا بئله یایېلسېن،
اؤلندن سۏنرا دا بیر‌لیک هارایېم.
اؤلنده کفَنیم ایکی‌قات اۏلسون،
روحوم اۏ تایدا دېر، قبریم بو تایدا.
دؤزۆملۆ خالقېما هئیکَل قۏیولسون،
اۏرتادان قوروموش بیر دَلی چایدا.
بیر گۆن خالقېم اۆچۆن شاعیرلَشَنده،
شاعیر تۏرپاغېما قویلاناجاغام.
وطن بیرلَشَنده،
خالق بیرلَشَنده،
من ده اؤز قبریمدن بۏیلاناجاغام.
