یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
حؤرمتینی یاخشې ساخلا بو إلین / دومان بختیاری (شعر)
خالق ایچینده اۏتوراندا دوراندا
حؤرمتینی یاخشې ساخلا بو إلین
مجلیس¬لرده باغداشېوې قوراندا
حؤرمتینی یاخشې ساخلا بو إلین
¬¬¬
بو إل سنه اؤیۆد وئریب آد وئریب
یئددی مین‌ایل تاریخیندن یاد وئریب
تۏرپاغېوا تمثیل چکیب اۏد وئریب
حؤرمتینی یاخشې ساخلا بو إلین
عؤمۆر بۏیو دانېشاندا گۆلنده
قالخ آیاغا اۏنون آدې گلنده
کیشی¬کیمی یاشایاندا، اؤلنده
حؤرمتینی یاخشې ساخلا بو إلین
یېخېلاندا ایچین چکیب آغلاما
مانقورد اۏلوب کؤکسۆمۆزۆ داغلاما
اؤز کؤکۆوۆ اؤزگه یئره باغلاما
حؤرمتینی یاخشې ساخلا بو إلین
یاشامېنې گۆله-گۆله وور باشا
یاردېم إله دار گۆنۆنده قارداشا
هر دورومدا آزاد یاشا، مرد یاشا
حؤرمتینی یاخشې ساخلا بو إلین
قالا-قالا سارسېلمایان «أرک» اۏل سن
سېنما بئله قایالاردان برک اۏل سن
داغ¬لار سنه تۆرک اۏل دئییر تۆرک اۏل سن
حؤرمتینی یاخشې ساخلا بو إلین
- هرکس دؤنهجک کؤلگهسینه / موصطافا شیخپور (شعر)
- اوشاقلار اۆچۆن دؤزۆم حاققېندا ماراقلې حیکایه
- من آداملارې گؤزلریندن تانېیېرام / گۆلآی طاهیرلی (شعر)
- چئشیدلی دیللری اؤرگنمک، اۏنلارېن دۆزگۆن دؤنگۆسۆ و چئوریمه سؤرهجی / آیهان میانالې (مقاله)
- یازارلار و اینتیحار – إرنئست هئمینگوئی / آیهان میانالې
- آدامې هَنگیندن تانېماق اۏلمور / فیلیپ راث (حیکایه)
- قبیرقازان / ماکسیم قۏرکی (حیکایه)
- اوچان هۏلَند / میخاییل بولقاکۏو (حیکایه)
- سۏنونجو دَرس / آلفۏنس دۏدئ (حیکایه)
- قاطارداکې آدام / کامال عبدالله (حیکایه)
