یئنی قاپې Yeni Qapı یئنی قاپې، یئنی بير باخېشدېر تۆرک دۆنیاسېنا
آیېنجار / آیهان میانالې (حیکایه)
1
إلشن‌گیل اۏرایا یئنی کؤچمۆشدۆلر. هر شئی اؤگئی‌سه‌نن کیمی بیر اؤرۆشه اۏخشارلېق إدیردی.
سئویم ایسه ایکی آیدان دۏغولموش بیر ملک کیمی، اولدوز کیمی پارلایان گؤزلرین سېرقاسېنا، آسېلبان اۏلموشدو.
بو محله‌نین یۏلو قېستاق، باخېشې ایسه آی‌لارېن حسرتینه یانسې تؤره‌دن بیر تاوال ایدی.
هر شئی سئویمدن باشلایېردې. حسرت چلنگی‌نین باخېش‌سېز حیکایه‌سینی ایکی آیېن چېڲنېندن یئره یئنیب، گؤرمک گره‌کیردی.
مدرسه‌دن إوه گئد‌رکن، قونشولوقدا اولان یۏلداشې إلشن، اۏنو دایاندېردې.
بردووانېنا اوزون بیر سیم باغلایېب، کۆلَک’له سئوینسر، قاچېردې.
إلشن مدرسه‌دن یئنی‌جه قایېتمېشدې کی یۏلداشې سئویم دئدی: “نۏلار منیم’له ده اۏینایاسان!؟”
سئویم اؤلکندینی بیر یانا آتېب، ایکی‌سی ده کۆلَک اۏرتاسېندا قاچېشماغا باشلادېلار. بردووان عئینی اۏلایې دایاندېرمازدان کۆلَک’له باش‌لارې‌نېن اۆستۆند‌ن رقص إتمه‌ڲه باشلادې.
إلشن دئدی: “ایندی بردووانېمېز’لا آیا اوچاجاغېق.”
سئویم قېشقېردې: “آی گل، بیز بوردایېق!”
سۏنرا إلشن‌دن سۏروشدو: “بس آی هارادا دېر؟”
“بیزیم یاشادېغېمېز یورد، چۏخ اوزاق بیر دیلکه دېر” دئدی إلشن جاواب وئردی، “اۏراسې آیېنجار دېر. آیېنجار!”
سئویم اۏندان سۏروشدو: “بس آیېنجارا نئجه گئتمک اۏلار؟”
إلشن بردووانې‌نېن سۆرۆشمه‌سینه داوام إدَرکن یانېتلادې: “دۆنیادا نسلی کسیلمکده اۏلان چئشیدلرین پایتاختې اۏرا دېر. بو وولکان اۆزه‌رینده بیر آدا دېر. تاریخ و جۏغرافیا اؤرگتمنی‌نین بیزه دئدیڲی بو دېر. آنایاس و آیقار، سئوینسَر مئیوه‌سی و بالتېجالار یئتیشدیریر.”
هر ایکی‌سی بیرلیکده قېشقېردېلار: “آیېنجار گل بورا، بیزیم’له اوینا؛ نــۏلار!”
2
هئچ بیر شئیه، نه کئچن چاغا، نه ده اۏلدوق‌لارې یئره فیکیر وئرمَزدن بردووانېن آرخاسېنجا قاچدېلار.
بیردن گؤز‌لری اوزانان و فۏرماسې تیلینگه اۏلان بیر جاناوار’لا اۆز-اۆزه قالدېق‌لارې قَدَر قاچدېلار.
جاناوار اۏنلارېن هر بیری‌نین ألیندن توتدو.
إلشن و سئویم قۏرخودان تیتره‌دیلر و کۆلَک’له اۏ یانقېر یۏلا داوام إتمه‌مک اۆچۆن بردووانې بوراخدېلار.
جاناوار اۏنلارې سۏرغولادې: “بورادا نه إدیرسیز، جین‌لر ایله قارانجالار اؤلکه‌سینده؟ منیم ایذنیم اۏلمازدان هئچ کیم بو تۏرپاغا گیرمه‌ییب. ”
اۏندان ایذن ایسته‌دیلر و دئدیلر: “آنایاس’لا آیقارېن سئوینگه‌سی’یله کۆلَک، بیزی بورا گتیردی.
بیزیم ألیمیزده اۏلان بیر شئی یۏخ دېر کی؛ اۏنلار’لا بردووان، بیزی بورایاجان گتیریبلر. سن سئون نئجه اۏلورسا إله إده‌ریک؛ سؤز وئریریک.”
جاناوارېن گؤزلرینده‌کی آخان گؤز یاش‌لارې پارېلدایېردې.
اۏنا ایتیریلمیش اۏغلونو خاطېرلاتدې.
کۆلَک اۏنو چؤل‌لره طرف آپاردې و اۏ داها آرتېق دؤنمه‌دی.
جاناوار دئدی: “اۏ گۆندن بو مئشه‌ده یالقېن یاشایېب، ایتیریلمیش اۏغلومو گؤزله‌ییرم. زامان کئچدیکجه گؤرۆنۆشۆم دَڲیشیب، بیر جاناوار گؤرجه‌سینه گلدیم.”
سؤزۆنۆ داوام إتدیردی: “سیزی ایندی گلدیڲینیز یئره آپاراجاغام. اۏغلوم هارادا گئتدیڲینی گؤرمَک اۆچۆن بیر آز دایانسایدې، اۏنو ایتیرمزدیم.
“هله بیر گۆن قایېداجاغېنا أمینم.”
إلشن’له سئویم، آرتېق بیر یۏلداش اۏلاراق دَڲیل، هارانقالارېن گؤبک بیرگه‌لیک‌لرینه دۆشۆنمه‌لی’یدیلر. جاناوارلارېن یۏلداش پالتارېنداکې ایزگه‌لره باخمایاراق، اولدوزلار آراسېندا، آیقارېن قارانتېل باختېنې، آنایاسېن هارایېندا آختارمالې’یدېلار.
هر شئی اۏن‌بئشینجی گئجیکمیش سېناقدان، و آیېنتالې اۆزگه‌لردن باشلامېشدې.
آرتېق اۏن‌بئش ایل یارېنقاسېزلېق، بولودلارېن قاطارېنا خۏر باخماقدا ایدی!
إلشن باشېنې سئویمین چیڲین‌لرینه سؤیکه‌ییب، ایکی آیېن تۏنقالېندا، یوخویا دالدې!
Podcast: Play in new window | Download
بَنزَرگه‌لر / Bənzərgələr
إلیمیزدهکی یاد بیزلر! / آیهان میانالې (حیکایه)
قارا اؤرتۆکلر / آیهان میانالې (حیکایه)
کئچمیشین باغرې چاتلایېر / آیهان میانالې (حیکایه)
یاساق سئوگی / آیهان میانالې (حیکایهدن دؤنمه)
سلام دار آغاجې / آیهان میانالې (یاشانمېش حیکایه)
گلیمسیز اؤگئی یازار / آیهان میانالې (حیکایه)
اؤرگتمنلر گۆنۆ / آیهان میانالې (یاشانمېش حیکایه)
مئتا-حیکایهنین دَڲیشیک دۆنیالارې / آیهان میانالې (مقاله)
اؤزدن بیرآز اۏیانا / آیهان میانالې (یاشانمېش حیکایه)
