گئدیرم / سؤز: ایسماعیل سالک / سس: آینار تبریزلی

قارا یۏل‌لاردې اۏلان دردیمه اۏرتاق گئدیرم

چکیرم سنلی اۏلان مکتوبا چاخماق گئدیرم

دئ قاران‌لېق شَهَرین بَت بَره‌سیندن نه اوموم

گئدیشیم’له اۆزۆن اۏلسون هله‌لیک آغ گئدیرم!

منه قال-قال دئمه دای قال قوجاغېن یاد قۏخویور

سانکې اۏلموش یا دا یانمېش قارالان باغ گئدیرم

سن کی هئچ سئزمه‌دین آنجاق نه‌دی سئودا قورالې

بیلمه‌دین بیر دیر اۆزۆک اۏن سایا بارماق گئدیرم

بسدی دیندیرمه منی داغ یارام آرتېق اوجالېر

اوجا داغسان آشېرام داغ سنی داغ-داغ گئدیرم

من یالان دۆنیادا سن‌سیزجه بیتن دۆز جېزېغام

اۏلا دۆنیان بئله‌سی حۏققا فېرېلداق گئدیرم

اؤته‌جک ثانیه‌لر قېرمېز ایشېق‌لار سؤنه‌جک

یۏلچویا بَسدی یاراشماز داها دورماق گئدیرم