یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / اۏتوز ایلدن سۏنرا… أل‌لر / آرش ساعی (شعر)

اۏتوز ایلدن سۏنرا… أل‌لر / آرش ساعی (شعر)

Otuz ildən sonra...əllər-Arəş Sai-YeniQapi.com---

اینانېرام بو شعری بیر گۆن قېزېم یازاجاق منه!

بو شعری بؤلۆشۆن اؤز آرانېزدا إی ایشچی‌لر

بو شعری بیر آز یئیین بیر آز دا ایچین إی تمیز ایشچی‌لر

اۏتوز ایلدن سۏنرا… أل‌لر / آرش ساعی (شعر)

 

اوشاق‌لېغېمدان بیر اولدوز اۏغورلادېلار

دۆشدۆ

بیر یۆزباشې‌نېن چیڲنینه

اوشاق‌لېغېمدان بابامېن أل‌لرینی اۏغورلادېلار

(کیمسه‌یه دئییم آخې

کیمسه دۆشۆنه بیلر کی)

آتدېلار بیر وارلې‌نېن إوینه

بابامېن أل‌لری قالېب قالېب اؤلدۆ بیر وارلې‌نېن إوینده

سۏنرالار اۏ پار-پار پارېلدایان کیشی‌نین

آدېنې سؤیله‌دیلر منه:

-کاپیتال بابا

(کااااااپییییییتااااااااااال ب ا ب ا

کاااااااااااااااااااااااااااااپیتالللللللللل باباااااااااااااااااااااااااااااااااااااااا)

سانکې گۆللـه‌لَنمیشدی

سۏیوق‌ ایدی آیاق‌لارې

تۆکه‌نیردی نَفَسی

سانکې بیر کامیۏن بئتۏن قوروموشدو اۆستۆنده

دمیر-دیرک‌لر بئله آیاقدا ساخلایانمازدې «اونو!»

سانکې بۆتۆن اؤلدۆرۆلن‌لرین سوچلوسویموش

و بۆتۆن آکسییالارېن یوموروغو بویموش

إکۏنۏمی دۆشۆش‌لرین نه‌دنی حتتا… منیم بابام

 

اۏتوز ایل‌دن سۏنرا

(بابامی دئییرم)

اۏتوز ایلدن سۏنرا

باطرېسې‌نېن تۆکنمه‌سی اۆزۆندن

کاپیتال بابا حیرص‌لَنمیشدی أل‌لریندن

واختې اؤتمۆش کۏنسئرو کیمی، شیشیک

هم ده قۏخوموشدو اۏ أل‌لر داها

و داش-دېرناق‌لارې اۏتوز ایلین یۏخ!

اۏتوز مین ایلین اۏخونمایان کتیبه‌سی’یدی آرتېق!

هایدې کاپیتالیزم!

هایدې إششه‌ڲینی ساتان، بابامی آلان وارلې!

گلین!.. اۏخویالېم بو أل‌لری

اۏ أل‌لر!

(اۏ واختې اؤتمۆش کۏنسئرو کیمی شیشیک أل‌لری- دئییرم)

کاپیتال بابایا أهانت کیمی‌ ایدی ایندی.

باغېشلایانمېردې اۏنو،

باغېشلایانمېردې «اۏ!» ایشچی‌نین أل‌لرینی

نه اۏلسا

بابامېن باباسې’یدې… کاپیتتتتتال باببا

دېشلاسایدې

باشېنې کسسه’یدی بئله!

اۏتوز ایل

اۏرتاق دیل ‌ایدی أل‌لرین آغرېسې، ایشچی‌لر آراسې!

اۏتوز ایل‌دن سۏنرا

داها قالمامېشدې آغرېنې ایفاده إتمه‌ین

أل‌لره راستلانمایان بیر آغرې کلمه‌سی بئله…

 

نه یازېق!

أل‌لر یۏرولاندا

دئشیلَر یاشام بیر چۏخ واخت

نئچه کیشی

نئچه‌ آن

گئری دؤنمه‌یَر آلبوم‌لاردان

ساده‌جه بیر اولدوز داشېنار

بعضن بیر اوشاغېن آرزې‌سېندان

یۆز-باشی‌نین چیڲین‌لرینه…

ساده‌جه بیر أل قایېتماز بیر إوه

ایلک گۆن

اؤلر بیر فابریکادا!……………………..

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

دؤنگه‌لر / دنیز صمدپور

دؤنگه‌لر / دنیز صمدپور (شعر)

دؤنگه‌لر / دنیز صمدپور نفس-نفس چېرپېنېرام سن‌سیز اۏلان دؤنگه‌لره ایتیرمیشم بیر کیمسه‌نی یاشایېشېن کۆچه‌سینده پنجره‌نین …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *