یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / قادین شاعیرلر / اومودو جۆجه‌رَن بۏش إو (حَسرَت) / مانیا سخاوت‌قېزې (شعر)

اومودو جۆجه‌رَن بۏش إو (حَسرَت) / مانیا سخاوت‌قېزې (شعر)

Manya Səxavətqızı - YeniQapi.com---

اومودو جۆجه‌رَن بۏش إو (حَسرَت) / مانیا سخاوت‌قېزې (شعر)

سۏن دفعه‌ 30 ایل اؤنجه‌ دؤڲۆلن،

قاپې‌نېن قېفېلې یامان سئوینیر.

بۆکۆلۆب صاندېقدا گیزله‌نَن آچار،

بۏیلانېب گۆنَشه‌ گۆن اۆزۆ گؤرۆر.

سېنېق آیناسېندا سۏن باخېش دۏنان،

تینینده‌ سئوینج‌لر بۏغولان بۏش إو،

سۆکوتلو ایل‌لری جالادېن ایله‌،

داها سَس-صَدا‌نېن وارلېغېنې سئو.

بلکه‌ دؤنمه‌یه‌جک سنه‌ بیر ننه‌،

بلکه‌ ده‌ بابا‌لار یۏخدو یاشامدا.

بیر زامان سَسینی دویدوغون کؤرپه‌،

سنه‌ قایېداجاق بیر “آنا” آددا.

سنی شکیل‌لرده‌ گؤرۆب تانېیان،

آدېنا مین نغمه‌ قۏشان آدام‌لار،

ایلک دفعه‌ بیر آددېم آتان کؤرپه‌ تک،

دؤشه‌مَن اۆستۆنه‌ آتار آددېم‌لار.

چۏخ‌لارې اییله‌ییب، اؤپه‌جَک سَنین،

تۏز توتموش داشېندان، دووار‌لارېندان.

آخې 30 ایل دیر آیرې‌لېق دۆشۆب،

گؤز یاشېن سۆزۆلۆب کاندار‌لارېندان.

ایندی گۆن‌لر اؤتۆر تلاش ایچینده‌،

گؤزلرین حَسرَتی بیر آز چۏخالېب.

صبر إله‌ اومودو جۆجه‌رَن بۏش إو،

سَس-کۆیلۆ گۆن‌لره‌ لاپ آزجا قالېب.

01.10.2020

Yazını bu əlifbada oxuyun: TÜRKCƏ

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

qızbəsti sultan-YeniQapi.com--

کۏرلوق / قېزبستی سولطان (شعر)

کۏرلوق \ قېزبستی سولطان (شعر) سَندَن یئتیم أل‌لریم سنی ایسته‌ییر ایندی، ساچېن’لا‌ اۏیناماق اۆچۆن دارېخېر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *