یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / قوزئی آذربایجان شاعیرلری / ساواشدان عسگر مکتوبو / جلیل جاوانشیر (شعر)

ساواشدان عسگر مکتوبو / جلیل جاوانشیر (شعر)

images (53)

ساواشدان عسگر مکتوبو / جلیل جاوانشیر (شعر)

قان-قادالې ساواش‌لاردان دؤنه‌جم،
قېرا بیلمَز اومودومو گۆلـله‌لر.
خۏش مۆژده‌لی ظفر‌لر’له گله‌جم،
غالیب کیمی قایېداجام بیر سَحَر.

بیر آز دؤڲۆش خاطیره‌سی – دومانلې،
خۏش گله‌جَک، خۏش اومودلار – بیر قوجاق.
قېزېم اۆچۆن سامان ساچلې گلین‌جیک
اۏغلوم اۆچۆن بۏش گیلیزدن اۏیونجاق.

بیر ده‌ دؤڲۆش دۏست‌لارېمېن فۏتۏسو،
بؤیۆده‌رَم، دووارېمدان آسارام
دؤڲۆش‌لرد‌ن، ساواشدان سؤز دۆشنده‌،
اۏ فۏتۏیا باخارام، گؤز وورارام.

ساچ‌لارېمدا بیر آز بارېت قۏخوسو،
قۏخو گئد‌ر، آنجاق بیتمز قۏرخولار
نئچه‌ سۆرَج یوخو گئتمز گؤزۆمه‌،
گئجه‌لری کابوس اۏ‌لار یوخولار.

خۏش مۆژده’یله قایېداجام، گؤزله‌یین
قایېداجام من اومود’لا، ظفر’له.
قایېداجام، هله‌ دؤزۆن صبر إدین،
قایېداجام مۆطلَق گؤزَل خبر’له‌…

قایېداجام مۆطلَق، منی گؤزله‌یین
آنجاق هله‌ بو داغ‌لاردا ساواش وار،
کؤرپه‌لرین اومودونو اۆزمه‌ڲین
یا گئج، یا تئز، بیتیر بۆتۆن ساواش‌لار…

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

Otuz ildən sonra...əllər-Arəş Sai-YeniQapi.com---

اۏتوز ایلدن سۏنرا… أل‌لر / آرش ساعی (شعر)

اینانېرام بو شعری بیر گۆن قېزېم یازاجاق منه! بو شعری بؤلۆشۆن اؤز آرانېزدا إی ایشچی‌لر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *