قارېشقا عؤمرۆ / رامیز رؤوشن (شعر)

قارېشقا عؤمرۆ / رامیز رؤوشن (شعر)

یاشاماق، دۏغرودان، چۏخ گؤزَل ایشدی،
بیر آز پولون اۏلسون، بیر آز ایمکا‌نېن.
دؤرد یانېن شېدېرغې آلېش-وئریشدی؛
آرزې بازارېدې، اومود دۆکانې.
دۏلان بو بازارې، آتام بالا‌سې،
سیمیج‌لیک إله‌مه‌ قپیک-قوروشا.
لنکران لیمۏنو، شکی حالواسې…
تورشو شیرینه‌ قات، شیرینی تورشا.
هله‌ اۏ شۆتۆین ماشېن‌لارا باخ،
باخېب ایچین-ایچین بیر آز یان هله‌.
سنه‌ ده‌ بیر ماشېن یئتیرَر آللاه‌،
بیر آز صبرینی باس، جاوانسان هله‌.
هله‌ کی بو مئترۏ دۆشۆب باختېنا،
آخېنا قارېشېب سن ده‌ آخارسان.
گیریب “باکسۏوئت”ده‌ یئرین آلتېنا،
مۏنتینده‌ خۏرتدایېب یئردن چېخارتسان.
بئله‌ یاشایارسان عؤمرۆنۆ هر گۆن،
آخې کیم دئییر کی، سن پیس گۆنده‌سن؟..
قارېشقا عؤمرۆدۆ هله‌ کی عؤمرۆن،
یئرین گاه‌ آلتېندا، گاه‌ اۆستۆنده‌سن.
دارېخما، قارېشقام، آز قالېب یازا،
سنی سئویندیرَر بو گلَن باهار.
آتلې قارېشقاسان، بلکه‌… هاچانسا
هله‌ قانادلانېب اوچماغېن دا وار.
من ده‌ قارېشقایام، قاداسې، من ده‌،
بونو یازدېم سنه‌ من اؤز آدېمدان.
یَقین بو یئرلردن اوچوب گئدنده‌
منه‌ أل إله‌مک چېخماز یادېندان…

1973

Yazını bu əlifbada oxuyun: TÜRKCƏ