یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
نه اۏلور آغلاما، نه اۏلور گۆل / سؤنمز گۆنئی (شعر)
نه اۏلور آغلاما
نه اۏلور گۆل
گئجه‌لر آغلاما
گۆندۆزلر گۆل!
من
آیدېن‌لېق’لا-قاران‌لېغېن،
گۆنده‌لیک سئویشن چاغېندا
آیېق_سایاق گزدیڲیم کۆچه‌لرده
هئیبتلی چینارلارا باخدېقجا
یالقېز بیر قوشون،
تراژئدیک رؤویالارې‌نېن اۆچۆنجۆ قاتېندا
سنی گؤردۆم…
إله‌جه یالقېز
إله‌جه سۆرگۆن
إله‌جه…
یۏخ
باکیره کپه‌نک‌لرین بۏیالې قانادلارېنداکې اینجلیک‌لرده سنی خاطېرلادېر
و خاطېرلادېقجا اینانېرام
یئتر کی سن کپه‌نک‌سن!
یئتر کی سن قوش اۏلما!
بیرده کی قوش‌لارا اویما
اۏنلار بیرآزجا یالانچې اۏلور
اومودسوز خالقا پای إتدیک‌لری یاز
ألبت کی یئنی‌دن سۏلور.
بیرده کی گؤتۆر دوواردان آسدېغېن سازېنې
و بو شعری چال…
نه اۏلور آغلاما
نه اۏلور گۆل
گئجه‌لر آغلاما
گۆندۆزلر گۆل!
