یئنی یازې‌لار / Yeni Yazılar

ایلک گؤرۆش پایېزدا / سئلین امامی (حیکایه)

İlk görüş payızda-Selin İmami-YeniQapi.com--

ایلک گؤرۆش پایېزدا / سئلین امامی (حیکایه)

پایېز فصلی اۏنون أن سئودیڲی فصیل‌لردن ایدی. سارالېب تؤکۆلن یارپاق‌لاردا دۏلانماق و اۏ خېرچېلدې سس‌لری اۏنون اۆچۆن آیرې بیر حیس‌لر یارادېردې.

هر ایل گلیب کئچیردی اۏیسا کی إلناز هر ایل تک ایدی، اۏ بیرینی سئومک ایسته‌ییردی، آما سانکې قَدَر بونا ایذین وئرمیردی…

إلناز بیرگۆن عائله‌سی ایله دۏلانماق اۆچۆن کلئیبر طرف‌لرینه گئدیرلر؛ آبان آیې‌نېن أوّل‌لری ایدی، تام فصلین لاپ گؤزل سئویملی مۆحتَشَم منظره‌لی اۏلان گۆن‌لری’یدی. إلناز اۏرا یئتیشدیکده، چئوره‌نین گؤزل‌لیک‌لرینه بایېلاراق، هَمَن گئدیب اۏرانې گزمَک و شکیل چکمَک پئشینده ایدی کی، آناسې اۏنا سس‌لَنیب “چۏخ اوزاقلاشماها” دئدی.

– نیگران قالما آنا بیرآزدان گله‌رم –دئدی.

إلناز قاچاراق، اۏرمانا سارې گئدیردی. یارپاق‌لار آیاغې‌نېن آلتېندا خېرچ-خېرچ إله‌ییب تام سئودیڲی کیمی، گؤرۆنتۆلر إله چکیجی ایدی کی، إلناز اۏنلاردا محو اۏلموش کیمی، اؤنجه ایزله‌ییب سۏنرا فۏتۏ چکمه‌ڲه باشلادې، یۆزه یاخېن فۏتو چکیب سۏنرا باشا دۆشدۆ کی بیر ساعات دېر کی اۏردادې؛هَمَن عائله یانېنا قایېتماغې گره‌کیردی، تام دؤنۆب قایېدارکن گؤردۆ کی بیر گنج ألینده دۆربین بونون شکلین چکمکده دیر. إلناز اۏغلانا سارې گئدیب دئدی:

– نه‌ایش گؤرۆرسن؟

جاوان اۏغلان سلام وئریب دئدی:

– چۏخ باغېشلا، بیلیرم کی شکیل چکمک اۆچۆن،سندن ایذن آلماغېم گره‌کیردی، آما قارشېمدا إله گؤزل بیر گؤرۆنتۆلۆ دۏغا و اۏندا محو اۏلونموش بیر گؤزل قېز وارې’یدې کی بو سوژه‌نی ألدن وئره بیلمزدیم.

إلناز اؤزۆنۆ توتوب دئدی:

– آما گـَره‌کیر کی اۏنلارا باخام، بَڲَنمه‌سم، سیله‌جکسَن.

اۏغلان دا قبول إله‌دی. إلناز یاخېنا گلیب دۆربین’له بیر بالاجا باخېب، اۆره‌ڲینده دئدی: “آمان آللاهېم من سالان شکیل‌لر هارا بو هارا”، إلناز اۏغلانا سارې دؤنۆب دئدی:

– تامام سۏرون یۏخ قالا بیلر.

اۏغلان گۆلۆمسه‌ییب دئدی:

– تشککۆر إله‌ییرم، منی آرازام.

آغزېندان سیز هله چېخمامېش، إلناز دا دئدی:

– من ده إلنازام

– سیزین’له تانېش‌ اۏلدوغومدان سئویندیم…

إلناز دئدی:

– گئتمه‌لی‌یَم.

آردې’یجا آراز دئدی:

– من فۏتۏ سرگی‌سی آچاجاغام سیزین ده چکدیڲینیز شکیل‌لری گؤرمَک ایسته‌ییرم.

إلناز چۏخ إتکی‌لَنمیشدی دئدی:

– سۏنرا باخارېق ایندی ایسه گئتمه‌لی‌یَم.

آراز دئدی:

-لۆطفن منیم نؤمره‌می یاز، داها سۏنرا سنی هاردان تاپا بیله‌رم کی…!

إلناز دئدی:

-یاز، دۏققوز یۆز اۏن‌دؤرد….

یازار / Yazar : آیهان میانالیAyhan Miyanalı

Ayhan Miyanalı – Rəsmi Bioqrafiya Ayhan Miyanalı yazıçı, tədqiqatçı, proqramçı və çoxdilli tərcüməçidir. O, müasir sistemlərin layihəçisi və Güney Azərbaycan kimliyinin fəal müdafiəçisidir. Fəaliyyəti müasir texnologiyalar, dilçilik, fəlsəfə, neyroelm və mədəni kimlik sahələrinin kəsişməsində formalaşır. O, YenİQapı media və nəşriyyatının rəhbəridir və uzun illərdir rəqəmsal platformaların qurulması, elmi və ədəbi əsərlərin nəşri və dil strukturlarının inkişafı ilə məşğuldur. Ayhan Miyanalı Güney Azərbaycanın Miyana şəhərində doğulub. Atası Şəki, anası isə İğdır mənşəlidir və bu üç mədəni mühit onun elmi və yaradıcılıq baxışının formalaşmasında mühüm rol oynayıb. O, İran Elm və Sənaye Universitetində mexanika mühəndisliyi – enerji çevrilməsi üzrə magistr dərəcəsi alıb və dilçilik, zehni fəlsəfə, neyroelm və sosiologiya sahələrində tədqiqatlar aparıb. Ayhan Miyanalı Azərbaycan türkcəsinin müasir strukturlaşdırılması, Unicode kodlaşdırılması və rəqəmsal dil texnologiyalarının inkişafında aparıcı simalardandır. O, mühəndislik, təsisat sistemləri, ağıllı ev texnologiyaları və enerji idarəetmə modelləri üzrə geniş təcrübəyə malikdir. a.b.t, YenİQapı, YardımOnline və digər rəqəmsal sistemlərin layihəçisi və inkişaf etdiricisidir. Bir neçə dünya dilində peşəkar tərcümə edən Miyanalı, Güney Azərbaycan kimliyinin və ana dilinin qorunması və inkişafı istiqamətində fəal fəaliyyət göstərir.

بو یازېنې دا اۏخویون /Bu Yazını da Oxuyun

قار دنه‌لری / آیناز بزرگان (حیکایه)

قار دنه‌لری / آیناز بزرگان (حیکایه) قاپې‌نېن گوشه‌سینده‌کی پاسدان چۆرۆیۆب آچېلمېش شېرېق، اۏنو بو دۆنیادان …

بیر یۏروم / Bir Yorum

  1. Araz Əhmədoğlu

    ərgənlik çağlarını yaşayan bir qız uşağının “səfərnaməsi” və ya səfər xatirələri. Buna hikayə adı vermək olmaz. Ədəbiyyat düşüncəyə qulluq edir. İnsan duyqularını insanın aydınlanmağı və səadəti üçün qullanır. Başqa hədəfləri olanların yolu ədəbiyyatdan ayrı dır. Bu yazının burada yeri ola bilməz.

Leave a Reply

Your email address will not be published. Required fields are marked *