بیلَرزیک‌لر / نوریه لۏح (حیکایه)
خانېم پرستار بالان جانې بونلارې کسمه دئیه گؤزلری‌نین یاشې سئله دؤنن بیر قادېنا یاخېنلاشدېم
+قېز نه‌دن بئله آغلایېرسان؟ سۏروشدوم.
آلتدان اۆسته منه باخارکن خانېم منه قولاق آسمایېرلار بارې سن دئگینَن کسمه‌سینلر قۏل باغ‌لارېمې.
من ایسه پرستارا اۆز توتارکن:
+چۏخ زامان‌لار اۆستۆندن بیر چسب وورورلار، ایمکانې وارسا سیز ده اۆستۆندن چسب وورون بو قادېن بونلارې چۏخ سئویر دئیه‌سن.
یۏخ بو دۏکتۏر حساس دېر عمل اۏتاغېندان قایتارار مریضی دئیه پرستار سؤزۆمۆ آغزېمدا قۏیدو.
قادېن یئنی‌دن خېسېن-خېسېن آغلاماغا باشلادې
آخ سئرۏم ووران پرستارا دئدیم داااا
دئدیم دؤز بونلارې چېخاردېم دئدی چسب ووراجاقلار…
جرّاحی بخشی‌نین خیدمتچی‌سی مۏو قایچې‌سېنا بنزَر بیر قېچې ایله یاخېنلاشېب قادېنې بیرداها دریندن آغلاتماغا باشلادې
منیم گؤزلریم دۏلارکن یئنی‌دن:
+ قېز قۏی کسه‌لر، بوراخ بونلارې تکجه ایکی دمیر تیکه‌سی دیر، صاباح وئره‌جکسن جوشلاسېنلار و یادېندان چېخاجاق هرنه.اؤنملی‌سی سنین جان ساغ‌لېغېندې جانېوېن هایېندا اۏل. ایندی عمل اۏتاغېما گئدیرسن گـَرَک ایسترئسین اۏلمایا.
خیدمتچی کیشی کسمه‌ڲـه داوام وئردیکده سانکې قادېنېن قۏلونو دیبیندن کسیردیلر.
آغلایا آغلایا
خانېم بونلارې سن ساخلا اۏغلوم گلنده وئرَرسن دئدی.
روحوم سانجې وئره-وئره
+قېز گۆجلۆ اۏل آدام دا دَمیر تیکه‌سینه بئله قرارسېز آغلایارمې!!!؟
خیدمتچی ویلچئری یۏلا سالارکن قادېن سۏن دؤنه اۏلاراق ایچی‌نین لاپ درین‌لیک‌لریندن بیر آه چکیب
آخې سیز بیلمه‌ییرسیز کی یۏرقان سېرایېب بونلارې آلمېشدېم
لاپ إله تزه‌لیکده آلمېشدېم
ایندی یارې-یارې اۆستۆندن گؤتۆره‌جکلر… دئیه بیزدن اوزاقلاشدې.
پرستارلار دۏغال حالدا ایش‌لرینه باشلاسالار دا، آما منیم روحوم ایله جیسمیم پارچالانمېش تکی اۏلوب گؤزۆمۆن یاشې ماسکایا جوموردو
آخې
قادېنېن سۆمۆڲۆنه یۏرقان ایڲنه‌سی باتمېشدې…
بَنزَرگه‌لر / Bənzərgələr
ایکی یاشلې کؤرپهنین آجې حیکایهسی / واریث یۏلچویئو…
جزا / سئوینج إلسئور (حیکایه)
قار دنهلری / آیناز بزرگان (حیکایه)
یالقېز إو / سحر روحی (حیکایه)
بوز / اومان میانالې (حیکایه)
ایلان / رحیم علییئو (حیکایه)
دارا / آراز أحمداۏغلو (حیکایه)
بۏش كۏمۏد / حسن ثمودی قلعهلر (حیکایه)
اۏ هله دیری دیر! / آیهان میانالې (حیکایه)
