یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
دۆڲمه‌جیک / اوشاق ناغېل‌لارې
بیر قادېنېن اؤولادې یۏخ ایدی.
بیر دفعه سئحرباز قارې اۏنا بیر آرپا دَنه‌سی وئردی و اۏنو دیبچکده أکمه‌ڲی تاپشېردې.
قادېن آرپا دَنه‌سینی أکدی. قفیلدن دیبچکده لاله‌یه بنزَر گؤزَل چیچک گؤیَردی.
گۆلۆن ایچینده کیچیک بیر قېز اۏتورموشدو. قېزېن بۏیو بیر دۆڲمه بۏیدا ایدی.
بونا گؤره ده اۏنو دۆڲمه‌جیک آدلاندېردېلار.
اۏنون اۆچۆن قۏز قابېغېندان یاتاق، بنؤوشه‌لردن دؤشک، بؤیۆک یاشېل
یارپاقدان ایسه یۏرقان دۆزَلتمیشدیلر.
بیر گئجه دۆڲمه‌جیڲین یاتدېغې اۏتاغېن پنجره‌سی‌نین سېنېق گؤزۆندن ایچه‌ری‌یه
یئکه بیر قورباغا هۏپپاندې.
اۏ، قېزې گؤردۆ و اۏندان خۏشو گلدی. “باخ، منیم اۏغلوما بئله گلین
لازېم دېر”، — دئیه قورباغا فیکیرلَشدی.
اۏ، دۆڲمه‌جیڲی یاتدېغې قۏز قابېغې ایله بیرلیکده قاپاراق اؤز یانېنا باتاق‌لېغا آپاردې.
یازېق قېز نه قَدَر آغلادې، اۏنو إوه گؤندَرمک اۆچۆن نه قَدَر یالواردېسا، قورباغا اۏنو إشیتمک بئله ایسته‌مه‌دی.
اۏ، قورباغا‌نېن کیفیر اۏغلونا أره گئتمک ایسته‌میردی.
کیچیک بالېق‌لار دۆڲمه‌جیڲین نئجه آغلادېغېنې إشیتدیکده اۏنا یازېق‌لارې گلدی.
اۏنلار دۆڲمه‌جیڲین أڲلَشدیڲی زانباغېن یارپاغې‌نېن ساپلاغېنې چئڲنه‌دیلر.
ساپلاق سۆرعت’له باتاق‌لېقداکې سویون آخېنې ایله اۆزمه‌ڲه باشلادې. قورباغا اۏنا چاتا بیلمه‌دی.
قفیلدن یاخېن‌لېقدان اوچان بیر مای‌بؤجه‌ڲی اۏنو گؤتۆرۆب آپاردې. لاکین تئزلیک’له بیر چۏبان‌یاستېغې‌نېن اۆزه‌رینه قۏیاراق گئتدی. قېش یاخېنلاشاندا نه إده‌جه‌ڲینی بیلمه‌ڲن دۆڲمه‌جیک تۏرپاغېن آلتېندا اؤزۆنه ایستی یووا قورموش مئهریبان قۏجا بیر چؤل سیچانېنې گؤردۆ.
اۏ، قېشې یووادا قۏجا سیچانا ناغېل دانېشماق’لا کئچیرتدی.
بونا گؤره ایسه هر گۆن اۏنا بیر آرپا دَنه‌سی وئریلیردی.
بیر قۆن قۏجا سیجان دۆڲمه‌جییی قۏنشوسو کؤسته‌به‌یـه أره وئرمک ایسته‌ییر و کؤسته‌به‌یی إوینه قۏناق چاغېرېر.
دۆڲمه‌جیک کؤسته‌به‌ڲین ألیندن جانېنې قوتارماق اۆچۆن بیلمیر نئینه‌سین، آما دۆڲمه‌جیڲی سیچانېن قۏنشوسو کؤسته‌به‌ڲین ألیندن یارا‌لې قارانقوش قورتاردې.
قېز اۏنو سۏیوقدان قۏروموش، دن و سو وئرمیشدی. عَوَضینده قارانقوش اۏنو
ایستی اؤلکه‌لردن بیرینه گتیریب چېخارتدې.
بو اؤلکه‌ده‌کی چیچک‌لرین شازداسی اۏنا إولنمک تکلیف إتدی. دۆڲمه‌جیک
آرتېق چۏخ خۏشبخت ایدی.
