یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
آذر آیې‌نېن 26-نجې گۆنۆ مۆناسیبتی’له، پهلوی رئژیمی‌نین طرفیندن تۆرکی کیتاب‌لارې‌نېن یاندېرېلماسېنا گؤره، بو گۆن میللی-مدَنی فعال‌لارې‌نېن طرفیندن، تۆرکی کیتاب‌لارېنې سونماق گۆنۆ آدلاندېرېلېب. بو اۏلایا گؤره، آذر آیې‌نېن 23-ده همدان اوستانې‌نېن رَزَن شَهَری‌نین ایکی کندینده، تۆرکی دیلینده یازېلان کیتاب‌لارېمېز’لا، ایکی کیتاب إوی قورولدو.
خالقېمېزېن یاردېمې’یلا، بو ایکی کیتاب إوینه 8.185.000 تۆمن دَڲَرینده 419 کیتاب باغېشلاندې.
بو کیتاب‌لاردان 158 کیتاب، بو ایکی کنده عادی خالقېمېز، ناشیر‌لر و حؤرمَتلی آذربایجان مؤللیف‌لری‌نین طرفیندن هديه إدیلدی. بو طرح اۆچۆن، آذربایجان خالقې طرفیندن کیتاب‌لارېن آلېنماسې اۆچۆن 5.185.000 تۆمن، 57 نفر طرفیندن باغېشلاندې. بو مَبلَغین 500.000 تۆمنی بیر یزدلی وطنداشېن طرفیندن تۆرک کیتاب‌لارېنې آلماق اۆچۆن باغېشلاندېغېنې خاطېرلاماغېمېز لازېم ایدی.
بو مۆقَدَّس یۏلدا، بیزه یاردېم إدَن‌لردن تَشَککۆرلریمیزی بیلدیریب، بو وقفین قوروجوسو ساییېن مۆهندیس علیرضا فرشی جناب‌لارې‌نېن ایستی سلام‌لارېنې سیز دَڲرلی خالقېمېزا چاتدېرېرام.
آیهان میانالې
۲۶ آذر سال ۱۳۹۹
۷۴ ایل مدنی سۏی‌قېرېمېمېزدان سۏنرا!
