یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
اینسان و دَنیز / چارلز بۏدلایئر (چئوری شعری)
آزاد آدام، دَنیزی سئوه‌جکسن سۆرَکلی!
دَنیز آینان دېر سَنین؛ روحونو سئیر إدرسن
اۏنون سۏنو گلمه‌ین جۏشقون دالغا‌لارېندا
اوچوروم دېر اۆره‌ڲین، اۏنون کیمی دیر درین.
بنزَری‌نین قۏینونا دالماق أن بؤیۆک ذؤوقۆن؛
گؤزلرین، قۏل‌لارېن’لا سارېلارسان اۏنا سن.
و اۆره‌ڲین بیر آن دردی اونوتماق اۆچۆن
قۆوّت آلېر اۏ وحشی و یېرتېجې سَس‌لردن.
ایکینیز ده قاران‌لېق گؤرۆنمک ایستر‌سینیز؛
اینسان؛ اؤلچن اۏلمادې داها درین‌لیڲینی!
بیلن یۏخ دېر قۏینونداکی ثروت‌لری، إی دَنیز!
ساخلایېن سیرّینیزی گۆناه‌لارېنېز کیمی.
آما عصرلر سۏنرا بئله دورمازدان
آرانېزدا بیتمه‌ڲن، اینصاف‌سېز بیر دؤڲۆش وار.
إله بَڲه‌نیر‌سینیز اؤلۆمۆ و وورمانې؛
إی آیرېلماز قارداش‌لار، إی سۏنسوز داواکارلار!
