پرۏستۏ / راسیم قاراجا (شعر)

پرۏستۏ / راسیم قاراجا (شعر)

سئوگیدن دانېشما منه‌

خیال محصولو دېر شاعیر‌لرین اویدوردوغو

حَسرَتدن دانېشما منه‌

قاران‌لېق دېر منه‌ حَسرَتین نه‌ اۏلدوغو

قارا پالتار‌لې بیر قادېنا چئوریلیب

آرخامجا گؤز یاشې آخېتمانې ایسته‌میرم،

پرۏستۏ، سنین’له‌ یاتماق ایسته‌ییرم

 

هئچ‌نه‌سیز سارېلاق بیری بیریمیزه‌

دانېشما منه‌ وفادان، صداقَتدن

سؤیله‌ آخې بؤیۆک شئی‌لرین نه‌ فایداسې وار بیزه‌

سؤز آچمایاق إعتیباردان، اۆلفتدن –

یاشامدان ایسته‌دیڲیم بونلار دَڲیل

سَندَن ده‌ هئچ نه‌ ایسته‌میرم،

پرۏستۏ، سنین’له‌ یاتماق ایسته‌ییرم

 

گؤزَل دیر یاشاماق، ساده‌جه‌ وار اۏلماق

یالانچې آنلام‌لاردان اوزاقدا بختیار اۏلماق

أن سۏنونجو آرزېم‌ دېر إو‌لی بیر خیار اۏلماق

عهد-پئیماندان دانېشما منه‌

گرچکدن آنلامېرام سئوگی‌نین نه‌ اۏلدوغونو

سَندَن هئچ نه‌ ایسته‌میرم،

پرۏستۏ، سنین’له‌ یاتماق ایسته‌ییرم.