یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
سنلی خیال‌لار / مهری توانا (شعر)
من اۏ اینسانام کی بلاسې چۏخ دېر
اۏ قَدَر تک قالېب کؤلگه‌سی یۏخ دېر
اۏنون-بونون سؤزۆ قلبیمه اۏخ دېر
گل هارداسان منی آپار اؤزۆن’له
سنی بیر ساعات‌لېق سئومه‌میشم من
عؤمۆرلۆک یۏلونو گؤزله‌میشم من
گؤزۆمۆن یاشېنې گیزله‌میشم من
اۆره‌ڲیم راحات‌لېق تاپار اؤزۆن’له
نئجه من دؤزه‌بیللم نئجه سن‌سیز
سنین’له دۏیونجا گزمه‌میشیک بیز
یئره قار دۆشَنده سالمامېشېق ایز
واختې بیر گۆن گلیب چاتار اؤزۆن’له
طالئعیم گئجه‌دن داها قارا دېر
اۆره‌ڲیمین سئون یئری یارا دېر
بیلمیرم دؤڲۆنن یئری هارا دېر
بونو بیل کی نبضیم آتار اؤزۆن’له
گؤزۆمۆ تیکمیشم یۏلا گله‌سن
یا دا کی آد گۆنۆم اۏلا گلسه‌سن
بلکه ده گؤزلریم دۏلا گله‌سن
خیالېمدا یوخو توتار اؤزۆن’له
