یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
کرپیج-کرپیج دووار اۏلدوق / فرهاد کدخدائی (شعر)
بئینی‌نین دوستاغېندان اوچموش
کیرپیک‌لردن آسېلې کرپیج‌لر
باخ؛
آغلایېر دووار دا
دیب‌لرین یانقېن‌لېغې قاورام‌لاردان دا اوجا سپیلَنده
سۏنوج‌لارېن آراسېندا دۏغولان سۏنونجو ایشېق اؤپۆلَنده
دنه-دنه
قانادسېز کرپیج‌لر’له سن،
اینسان‌لېغېن ایستی سایارې.
یانا-یانا دَلیب کئچه‌جه‌ییک گۆنشی ده
اوچارکن تانرې‌دان دا اوجا.
تاریخین سۆمۆک‌لری قلم‌لَشدیکجه
بونو قان
بونو
ق
ا
ن
ایستَر قېز
ایستَر اۏغلان
بو گؤرۆنمزلیکده گؤرۆلن سطیر‌لر
اینام‌سېزلېغېن سۏنوج‌لارې
رؤویا گلین‌لریم’له دانس إدیر نئهئلیزم
قورتولوشون اۏبیری آدې.
بارماق‌لارېمې اؤزگۆرلۆڲه آداخلاسام
قۏل‌لارېمېن گۆجۆنه أر گؤزۆنده باخمایېنېز قېزلار
بوغدا سارې گلینین ساچ‌لارې‌نېن اوجوندا بیچیلدی
أل آیاغېم’لا هؤرۆلمه‌دن
معصوملوغونا کفن بیچیلدیکجه شعر قېزلارېمېن
بۆتۆن یاسالارېن ایستیثناسېز قایچې‌لار ایله.
رؤویا گلین‌لریم’له دانس إدیر نئهئلیزم
قورتولوشون اۏبیری آدې.
داها یۏخام
بو من دَڲیلم
سۏرغولارېن تاپېلماز جاوابې دېر
مملکت‌سیز سېنېرلارېن شَهَرلری
یۏخلوغون ایضاحې اۆچۆن یارانان وارلېق
بو دووارین ایلک کرپیجی بیج سئودا دېر
اوجالدېقجا پولا دؤنۆر فۏرمول‌لارې‌نېن اوجو
سۏنرا اوچماق ایسته‌ییر قانادسېز کرپیج تک؛ آ.د.م.!
حَووا بهانه‌سینه
آاااااخ حَووا…
ألینده‌کی یارا دېر
اؤره‌ڲیمین آلماسې!!
فرهاد کدخدائی
۹۰/۱/۲۰
Attachments area
