یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / بیلینج آلتېما قاچېردېم / امین حاجیلو (شعر)

بیلینج آلتېما قاچېردېم / امین حاجیلو (شعر)

IMG_20210315_223452_998

بیلینج آلتېما قاچېردېم / امین حاجیلو (شعر)

 

بیر:
سنی یازدېم دوست
گئدر آیاق
یالنېزلېغې قولاغېم کیمی داشېیېرام آرتېق
یالنېزلېغې گؤزلریم کیمی داشېیېرام
یالنېزلېغې آغزېم کیمی داشېیېرام
سونرا یئنه من اۏلورام باشقا بیر یئرده
سونرا یئنه سن اولمالې‌سان باشقا بیر یئرده
ألیمده‌کی سویو بوراخیب یازمالی‌یام
اویون‌لاردان اویون سئچ دئین حیاتین قاشقاسینا بیر قورشون
آیرې‌لېق‌دا حکمت آختارماق کیمی یئترسیزلیک‌لریمه بیر قورشون
آنلایېش سؤزۆنه بیر قورشون سېخمالې‌یام سندن سونرا
سونرا ألیمده‌کی سویو بوراخېب سنه بیر شئی‌لر یازمالې‌یام
بیر تۆرکۆنۆن ناغاراتېندان سنه چاتمالې‌یام

ناغارات:
بیلینج آلتېما قاچېردېم
ایکی:
أل دَڲیشدی
سېنانمېش یولو قایېدېب ترسه‌سینه گئتدیم
سئوگی ایزینی اؤزۆمدن آیېرېب یومروغونا دۆڲۆنله‌دیم ایبنه بیری‌نین
سعادت قوشونو قووان سن ایدین
چیڲین‌لریمده بسله‌دیڲیم ایلان

ناغارات:
بیلینج آلتېما قاچېردېم

اۆچ و سون:
سنی یازدېم
اورتاق یارایا ایشه‌ین
سونرا یارامې آلېب چېخدېم
گۆنش نئجه چېخارسا قېنېندان
کېرېخمایېن
آیدېن‌لېق گتیرمه‌دیم
چېخدېم
یارالې آغېزدان سؤیۆش کیمی
و دردلریمین کیروه‌سی حایات
سنی سئودیم
و سونرا قایېدېب ترسه‌سینه آتدېملادېم سنی
اوشاق ایدیم
چیڲین‌لریمده‌کی سعادت قوشو
قوینومداکې ایلان
یومورتالارېندان چېخمامېشدېلار

ناغارات:
بیلینج آلتېما قاچېردېم
بیر تۆرکۆنۆن ناغاراتېندان بیر خویراتې‌نېن سون دیزه‌سینه

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

Orxan bahadırsoy-Gəlsən kəsəryağışlar-YeniQapi

گلسَن کسَر یاغېش‌لار / اۏرخان باهادېرسۏی (شعر)

گلسَن کسَر یاغېش‌لار / اۏرخان باهادېرسۏی (شعر) سَس‌لَندیرن: آیسو زنگانلې   گؤر نه‌ دئییرَم سنه‌، …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *