یئنی یازې‌لار / Yeni Yazılar
آنا صفحه Ana Səhifə / ادبیات / سئوگیمیز جنّته قالسېن / رقیه هاشم‌زاده (خان صنم)

سئوگیمیز جنّته قالسېن / رقیه هاشم‌زاده (خان صنم)

سئوگیمیز جننته قالسین / رقیه هاشم زاده (خان صنم)

سئوگیمیز جنّته قالسېن / رقیه هاشم‌زاده (خان صنم)

آرخـانا باخــــمازدان چکیـب گئدیرســن
دؤنگه سنی دؤنۆر، سن ده دؤنگه‌نی
بیر منـــم دالېنــجا باخـان بیـر ده مـــن
دؤنـگه-دؤنـگه، من‌ده، ایتیـرم سنــی

خییـاوان خییـاوان سانســـۏر اۏلــورام
بیــر قېز اۆره‌گیــــمه فېرتېنـــا ســـالېر
بیر دلـــی یارادېــر، من‌ده‌کــی درام
بیر قېز قاچاق‌چی‌دان سیـیانۏر آلـــېر

شَکلین تئلفۏنومـون إکرانچاسېن‌دا
اۏد وورور گؤزۆمــه، باخ سرین-سرین
بئینیمین گۆن‌دۏغان، بۏش تئراسېن‌دا
پاپالان اۏیــنایېــر، خاطیــــــــــره‌لرین

حایات نـه‌یه یارار، سن‌سیزلیگیم‌ده؟
سئـــودان ذرّه-ذرّه منـــی یاخاجـاق
ویترین‌لر اؤنۆن‌دن، هر کئچدیگیم‌ده
ایکس‌لارج گئییم‌لر، منـــه باخاجـاق

مـن سنــی اؤزۆمــه، تانرې بیلردیــــم
دئمـــک تانرلې‌لار دا، آتارمېش قولــــــون
کؤنلۆمــۆ گئتــدیگین یـۏل‌لارا سردیــــم
گئت هارا گئتسَن، آچېق اۏلسون یۏلون

مومیالـــې جَسَــده دای، بنزه‌یه‌جــم
تاریخـــه کئچه‌جم، گۆنــــۆن بیرین‌ده
باخــېب یۏل‌لارېوا شعر دئـیه‌جـــم
سَسیم قۏجالاجاق تئـل سیم‌لرین‌ده

دالېنــجا آغلایېــب چاغــلامېـرام هئچ
بۆتۆن موتلولوق‌لار گئت سنین اۏلسون
قېل کؤرپۆدن نه‌ایسه بیرآز یاواش کئچ
قۏی بارې سئوگیمیز جنّته قالــسېن

رقیه هاشم‌زاده (خان صنم)

Yazını bu əlifbada oxuyun: TÜRKCƏ

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

sevinc elsevər-yeniqapi

قارېشقا قادېن / سئوینج إل‌سئور

قارېشقا قادېن / سئوینج إل‌سئور بۆتۆن قېشې مطبخ‌ده‌کی ایشکافېن آلت گؤزۆن‌ده گؤزله‌دی إوین خانېمې‌نېن باهاردا …

2 یۏروم‌لار / Yorumlar

  1. علی خوئینی

    خانوم هاشمزاده شاهکاردی شعریز
    الله سیزی ترک ادبیاتینا چوخ گورمه سین

  2. شاهکار. آلقیشلامالیدی

Leave a Reply

Your email address will not be published. Required fields are marked *