یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
اؤزگۆرلۆک / إلمیرا رضازاده (شعر)
گئجه دیر
قاران‌لېق باسمېش یاشامې
سس‌سیزلیک دۆرتمۆش دام- باجانې
دامېن آرخاسېندا یووا سالمېش بایقوش اۏخشایېر حزین-حزین
کۆلَک اولایېر
من
قاپې‌دا دۏنموشام
ایچیمـدن کؤله‌لیڲـه آلېنمېشام
چاتلاداجاغام کؤله‌لیڲین
دووارېنې
ایشېق ساچان گؤزلریم’له…
آچدېغېمـدا
ایشېلتې‌سې سؤکه‌جک ظۆلمتی…
اۆره‌ڲیمین سسی ایله…
ایچیمـدن چېخان هایقېرېغې باغېراجاغام
نَریلتیـم اوجالدېغې قدر
کۆله‌ڲین دیلی بایقوشون دیمدیڲینه دۏلاشاجاق
قۏووشاجاغام سنه
اؤزگۆرلۆک…
