یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
اینانمادېغېم اینسان‌لېق / اکرم درستی (شعر)
گؤزۆنده کیچیک و آنلام‌سېز اۏلان ماجرادا
بیلمه‌دیڲین هر شئی آنلام‌سېز دېر
هر شئیین قورتولدوغو نؤقطه دیر
بۏشلوغون باشلادېغې سطیر
هر نه‌یی بیلمه‌ڲین بدلی دیر
هئچ نه‌یی دۆشۆنمک حیکایه‌سی
اۏد یانمایا سارېلېر بو یئر کۆره‌سینده
یارا آغرېیا
اینسان‌سا
گاهدان بیلمه‌یه
گاهدان بیلمه‌مه‌یـه
گاهدان سارېلېر نه‌دن‌سیز
گاهدان آغرېیېر بو غریب گۆلۆستاندا
نه‌یی بیلیرسن؟
آدېنې‌مې؟
یئدیک‌لرینی‌می؟
ایچدیک‌لرینی‌می؟
سن آد دَڲیلسن!
نئجه‌کی أت ده دَڲیلسن!
اینسان اینسانې دۆشۆنمه‌لی دیر
اۏلای‌سا اۏلایې دۆشۆنمه‌لی دیر
اۏنون اۆچۆن بیز بیربیریمیزی دۆشۆنه بیلمیریک
گل زۏرلایاق بو إحتیمالې
سن بیزدن آزالان اینسان‌لېغې دَستَکله
من‌سـه اینانمادېغېم اینسان‌لېغا سایغې’لا یاناشېم.
