یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
گۆناه‌سېز أل‌لر / بهروز صدیق (شعر)
گۆلۆردۆن
اوچوردو یوواسېندان
گؤيرچین
یاشامېردېم اؤلۆمچۆن.
گؤڲ اۆزۆنۆ قوش‌لار بزه‌ییردی
اۆره‌ڲیمی سن
ایندی؛
یارپاق‌لارېن
آغنادېغې واغامېندا
کالاوامېن کاندارېندا کهیلده‌ییب
سنی پایېزلانېرام
سنی،
اوزاقلاشدېغېم وطنی.
بیر گۆن
بیر گۆن
بیر گون
تۏرپاق اوتاناجاق بولاق‌لېغېمدان
آغاج‌لار آغلاغان پایېزلېغېمدان
و ساچېن اۏخشایار “گیلاوار”،یاغېش
گیلانار گیله‌نـده گؤيه‌رَن باغېش
منيم يۏخلوغومو قېشقېراجاقلار:
اۏنون أل‌لری‌نين گۆناهې یۏخ دېر.
موغان / پایېز / ۲۰۲۱
