بۏیونوزا گؤره‌ ایده‌آل کیلۏ نئجه‌ حئسابلانېر؟ (ساغلام‌لېق)

بۏیونوزا گؤره‌ ایده‌آل کیلۏ نئجه‌ حئسابلانېر؟ (ساغلام‌لېق)

ایده‌آل کیلۏ، ساغلام‌لېق سۏرون‌لارېنا نه‌دن اۏلمایان، هر هانسې’سا بیر خسته‌لیک یارانار’‌سا، تئز ساغالماغا کؤمَک إدَن و یاشام کالیته‌سینی یاخشېلاشدېران “ساغ‌لېقلې کیلۏ آرا‌لېغې دېر”. بس ایده‌آل کیلۏنو نئجه‌ بَلیرمیش إتمک لازېم دېر؟ ایده‌آل چکینیزی حئسابلاماق سۏن دَرَجه‌ آسان دېر. بونون اۆچۆن ساده‌جه‌ بۏیونوزو و کیلۏنوزو بیلمه‌ڲینیز کیفایت دیر. حئسابلاما بئله‌ اۏلور، مثَلَن بۏیونوز 1.70 و آغېرلېغېنېز 60 کیلۏ دېر‌’سا، 60÷(1.70×1.70). یانې آغېرلېغېنېزې بۏیونوزون دؤردگه‌جینه بؤلۆرسۆنۆز. گؤرسَتدیڲیمیز اؤرنکده یانېت تَخمینَن 20.8 آلېنېر. بو رقم، 18.4-دن آشاغې دېرسا: گۆجسۆز بۏیونوزا گؤره‌ کیلۏنوز چۏخ یئترسیز دیر. اینسانېن آرېق و گۆجسۆز اۏلماسې ایده‌آل چکیده‌ اۏلدوغو آنلامېنا گلمیر. بئله‌ اینسان‌لاردا أن اؤنملی ریسک باغېشېق‌لېق ضعیف‌لَمه‌سی دیر. عفونت‌لره تئز یۏلوخوب، گئج ساغالېر‌لار.

18.5 – 24.9 آرا‌لېغې: ایده‌آل کیلۏ بَدَن آغېرلېق شاخیصی‌نین بو آرالېقدا اۏلماسې کیلۏنوزون ایده‌آل اۏلدوغو آنلامېنا گلیر. دۆزگۆن و ساغلام قیدالانېب، ایدمان إده‌رَک چکینیزی قۏرویون.

25.0 – 29.9 آرا‌لېغې: آرتېق چکیلی‌ بَدَن آغېرلېق شاخیصینیز بو آرالېقدا دېر‌’سا، چکینیز آرتېق دېر. آرتېق چَکی ساغلام‌لېغېنېزې ریسک آلتېنا آلاجاق قَدَر بؤیۆمَزدن تدبیر گؤرمه‌لی‌سینیز.

30-دان چۏخ دېرسا، بو کؤک اۏلدوغونوز آنلامېنا گلیر. چکینیز ساغلام‌لېغېنېزې ریسک آلتېنا آلاراق تهلۆکه‌ یارادېر. یئمک و ساغلام‌لېق دۏکتۏرلارېندان یاردېم آلاراق چَکی ایتیرمه‌ڲه‌ چالېشما‌لې‌سېنېز.