یئنی یازې‌لار / Yeni Yazılar
آنا صفحه Ana Səhifə / ادبیات / Miyanalılar / قۏرخو / امین ناصری (حیکایه)

قۏرخو / امین ناصری (حیکایه)

1F
قۏرخو / امین ناصری (حیکایه)

سۏیوغون قاباغېنې آلسېن دئیه پنجره‌یه توتولان نایلۏن شاققېلدایېردې!
بالکۏن‌دان آسلانان لامپېن یئل‌ده ترپنمه‌سیندن اۏتاغې هردن بۏغوناق قاران‌لېق و هردن‌سه گۆجسۆز ایشېق بۆرۆیۆردۆ!
پۆنج (سۏبا) بۏروسونا گۆج’له تپیلن یئل-کۆلک قۏرخونج کۆشۆلتۆ’یله بۏرودا فېرلانېردې و قاز گۆجۆ ایله یانان پۆنجۆن اۏدو تیتره‌ییردی!

اؤلۆ کیمی باشېنی دووارا سؤیکه‌ییب یارېمچې‌لېق اوزانان اۏغلانېن سۏل ألینده اۏلان جیب تئلئفۏنوندان اۆزۆنتۆلۆ سس’له اۏخویان “سئزن” اۏتاغې باشېنا آلمېشدې و ساغ ألی‌نین بارماغې کیتابېن آراسېندا اۏلاراق مۆرگۆلَییردی!

یوخو’یلا اۏیاق‌لېق آراسېندا “صادیق هیدایت”ین خئنزئر پئنزئریندن بئینینده یاراتدېغې آداما بنزر بیری‌سی اۆزۆنۆ اۆزۆنه دایامېشدې و قانجېقجاسېنا اوجادان گۆلۆردۆ! چیرکین و اوزون تۆکلۆ اۆزۆنۆ و سارې دیش‌لری‌نین آراسېندان چېخان ایستی نَفَسینی اۆزۆنده دویماقدان اوجا و درین نفس’له دیکسینیب، تۆک‌لری بیز-بیز دوردو! هئچ بیلمه‌دی هاچان “سئزَن”ین أنگینی باسېب، یۏرقانېنې باشېنا چکدی! گؤردۆڲۆنۆ بیرده گؤرمه‌سین دئیه گؤزلرینی برک سېخمېشدې و تیر-تیر أسیردی…!

زنگلی ساعاتېن دینگ-دونگوندان یوخودان اۏیانېب، گیجه‌له-گیجه‌له اؤزۆنۆ قاپې‌نېن یانېنداکې آینایا یئتیردی! شیشمیش گؤزلرینه باخاراق، گئجه‌کی اۏلایې دؤنه‌لرجه بئینیندن کئچیرتدی!

باشېنې تۏولایاراق گۆلۆمسۆندۆ.
“قارا باسیرمیش” دئدی…!

باخېشېنې آینادان چئویریب، قاپې‌نېن پنجره‌سیندن حَیَطه تیکدی، یئل یاتېب، قار دا آچمېشدې!

گئجه یاخشې قار یاغېب، هر یئری بۆرۆمۆشدۆ!

تکجه قار اۆستۆنده پیلله‌لردن باشلانېب، حَیَط قاپې‌سېندا قورتاران قۏیون آیاق‌لارې‌نېن ایزینه بنزَر ایزلر، دۏغال دَڲیل ایدی…!

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

1F

باهار / جلال اکبری (شعر)

باهار / جلال اکبری (شعر) “سایېن أرشد نظری جناب‌لارې‌نېن باهار شعرلرینه بیر تضمین” بیر شاختا …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *