یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / سن‌سیزلیگیم / ائلتاش صاليحي

سن‌سیزلیگیم / ائلتاش صاليحي

سن‌سیزلیگیم / ائلتاش صاليحي

سن‌سیزلیگیم / ائلتاش صاليحي

پاریلداییر شهرین ایشیق‌لاریندا
اوتاغیمین قارانلیغی
تیر چکیر خییاواندا ایشیق‌لار
تیر چکیر قلمیم
تیتره‌دیر پرده‌لری سؤزلریم
و تیتره‌ییر پرده‌لرین…
قانایان آنی‌لاریمدا
پنجره‌لر قلب قیریزینه کئچه‌سی دی،
سن‌سیزلیگیمین ایحتیرامینا
سؤنور شهرین پنجره‌لری بیر به بیر؛
(سؤنور شهرین باکیره‌لیگی)
بوتون قاپی‌لار سنی آسقیریر
سویوغون ده‌ییمیش خییاوان‌لارا!!
قیش بورویوب شئعریمی
هر سؤزجوک سنی فیسیلدادیر
کاغیذلارین قارلی گؤزلمینه
هله‌ده…
قاپی دالیندا آسقی‌لانیب عطرین
هله‌ده باشماق‌لیغیم یئریک‌دی باشماق‌لارینا؛
دووارلاردان آسیلیب بارماق‌لاریم
دووارلار آسیلیب بارماغیما
اوزونه تامارزی‌دی اللریم
تام آرزی‌دی اللرین!!
قیزیشیر شئعرلریم
لیمانچی‌لارین اود چللگینده،
قولاغینا دئییرم شئعریمین
”انا خلقناکم من الگؤزلری…”
مین سطیر باخیش یازیلیر گؤزلریمه
یاغیر اووجونا دوداق‌لاریم
اوپدوگوم هر سیقارین،
سیقار پاکئت‌لریندن آلیرام دوداغینین تام_ین
یاغیر آیاق ایزلرینه دوداق‌لاریم
یا قیر آیاق ایزلرینله دوداقلاریمی
اؤپوش فیلتئرلری دولدوروب شهری
شهرین سوفراسیندا کیفسه‌نیب سئرچه‌لرین اؤتوشمه‌گی،
یولجولاردان اؤنجه
گؤز یاشلاری مینیر اوتوبوس‌لارا
تله‌سیک سولانیر سن‌سیزلیگین چؤره‌یی
باخیرام قول ساهاتیما
بیر ساهات سن‌سیزلیگیمه آرتیلیب…

ائلتاش صالیحی

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

1F

آخشام اۆستۆ گؤزلرین / موصطافا شیخ‌پور (شعر)

آخشام اۆستۆ گؤزلرین / موصطافا شیخ‌پور (شعر) (باجېم نسرین‌ین واخت‌سېز کؤچمه‌سینه) هر صۆبح دۏغولورام سندن …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *