بولود قاراچۏرلونون دۏغوم گۆنۆ، آذربایجانېمېزېن گۆنئیینده شعر گۆنۆ سئچیلدی!

بولود قاراچۏرلونون دۏغوم گۆنۆ، آذربایجانېمېزېن گۆنئیینده شعر گۆنۆ سئچیلدی!
2023-نجۆ ایل مایېن 12-نده‌ آذربایجانېمېزېن گۆنئی‌ینده‌ بیر قوروپ أدبیاتچې‌نېن ایسته‌ڲی ایله‌ “یئنی قاپې” سایتې‌نېن اینستاقرام صفحه‌سینده‌ آذربایجانېمېزېن گۆنئیینده تۆرکی شعر گۆنۆنۆن سئچیلمه‌سی اۆچۆن اۏیلاما کئچیریلدی. 24 ساعات اۆزه‌رینده‌ بو اۏیلامانې 7318 نفر ایزلَییب، اۏیلامادا 6895 نفر ایسه ایشتیراک إتدیلر. ایزله‌یَن‌لرین 94،21%-ی بو اۏیلامادا ایشتیراک إدیب و بو اۏیلاما باشا چاتدېقدان سۏنرا سۏنوج‌لار آشاغېدا‌کې کیمی إعلان اۏلونور:
A. مۏللا محمّد فۆضولی 478 سَس (9،93255%)
B. عمادالدین نسیمی 793 سَس (11،50108%)
C. حبیب ساهیر 679 سَس (9،84774%)
D. بولود قاراچۏرلو 4945 سَس (71،71863%)
بو سۏنوج‌لارا دایاناراق، اۏیلامادا ایشتیراک إدَن‌لرین سَس‌لری ایله‌ بولود قاراچۏرلو 4945 سَس و تۏپلوجا 71،718 فاییض سَسله‌ بو اۏیلامادا ایلک سئچیم اۏلاراق بیرینجی‌لیڲی قازانا بیلدی.
بولود قاراچۏرلو 1926-نجې ایلین یازېندا ماراغا شَهَرینده‌ آنادان اۏلموش و 1979-نجو ایلده‌ 53 یاشېندا تئهران شَهَرینده‌ وفات إتمیشدیر. اۏنون دۏغوم و اؤلۆم تاریخی ایله‌ باغلې تام معلوماتېمېز یۏخ دېر و ایلک فۆرصَتده‌ دقیق دۏغوم تاریخینه‌ أساسن گۆنئی آذربایجاندا تۆرک شعر گۆنۆنۆ إعلان إده‌جه‌ییک.

Yazını bu əlifbada oxuyun: TÜRKCƏ