یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / سن یاخشې اۏل / گۆل‌آی طاهیرلی (شعر)

سن یاخشې اۏل / گۆل‌آی طاهیرلی (شعر)

Sən yaxşı ol-Gülay Tahirli-YeniQapi.com-
سن یاخشې اۏل / گۆل‌آی طاهیرلی (شعر)

گئتدین،
اۏن اۏیونجاغېم واردې،
اۏنونو دا آپاردېن.
منیم ساغداکې بئشیم
سۏلداکې بئشیمه‌ یئتمیر.
نه‌ وار کی آددېم آتماغا؟
بیلیر‌سن ده‌، من یېخېلان دَڲیلم.
آما هانسې قۆوّه‌ قاچېردار آیاق‌لارېمې؟
هر سېغال‌دا چېرپېناردې اۆره‌ڲیم،
ایندی یۆز چکیج گتیر، سَسی چېخماز.
گئتدین،
گؤزلریمین یاشې آخماز.
دئییرلر، بؤیۆک‌لر آغلاماز،
روحوما باخما، اۏیونجاغېم یۏخ دېر.
دَنیزه‌ گئتدیم،
ایسلانمامېش قایېتدېم.
اۏت‌لارېن دا اۆستۆنده‌ آیاق‌یالېن گزمیرَم،
قاباغېنا قاچمېرام ایت‌لرین، پیشیک‌لرین،
جیڲر‌لریمه‌ چکمه‌ڲی اونودورام
یاغېشدا تۏرپاق قۏخوسونو.
سن هئچ بیلیر‌سن، باهارېن خزان قۏرخوسونو؟
سئوگی‌لرین قفیل چؤکن دومان قۏرخوسونو؟
یاخشې کی، بالېق‌لار دَنیزه‌ دانېشمېر یوخوسونو…
نه‌ زامان‌سا یادېنا دۆشسَم،
بیل کی، یاخشې‌یام.
یاخشې‌یام، سن یاخشې اۏل.

Sən yaxşı ol / Gülay Tahirli (şeir)

Getdin,
On oyuncağım vardı,
Onunu da apardın.
Mənim sağdakı beşim
Soldakı beşimə yetmir.
Nə var ki addım atmağa?
Bilirsən də, mən yıxılan deyiləm.
Amma hansı qüvvə qaçırar ayaqlarımı?
Hər sığalda çırpınardı ürəyim,
İndi yüz çəkic gətir, səsi çıxmaz.
Getdin,
Gözlərimin yaşı axmaz.
Deyirlər, böyüklər ağlamaz,
Ruhuma baxma, oyuncağım yoxdur.
Dənizə getdim,
İslanmamış qayıtdım.
Otların da üstündə ayaqyalın gəzmirəm,
Qabağına qaçmıram itlərin, pişiklərin,
Ciyərlərimə çəkməyi unuduram
Yağışda torpaq qoxusunu.
Sən heç bilirsən, baharın xəzan qorxusunu?
Sevgilərin qəfil çökən duman qorxusunu?
Yaxşı ki, balıqlar dənizə danışmır yuxusunu…
Nə zamansa yadına düşsəm,
Bil ki, yaxşıyam.
Yaxşıyam, sən yaxşı ol.

یازار / Yazar : آیهان میانالیAyhan Miyanalı

Ayhan Miyanalı – Rəsmi Bioqrafiya Ayhan Miyanalı yazıçı, tədqiqatçı, proqramçı və çoxdilli tərcüməçidir. O, müasir sistemlərin layihəçisi və Güney Azərbaycan kimliyinin fəal müdafiəçisidir. Fəaliyyəti müasir texnologiyalar, dilçilik, fəlsəfə, neyroelm və mədəni kimlik sahələrinin kəsişməsində formalaşır. O, YenİQapı media və nəşriyyatının rəhbəridir və uzun illərdir rəqəmsal platformaların qurulması, elmi və ədəbi əsərlərin nəşri və dil strukturlarının inkişafı ilə məşğuldur. Ayhan Miyanalı Güney Azərbaycanın Miyana şəhərində doğulub. Atası Şəki, anası isə İğdır mənşəlidir və bu üç mədəni mühit onun elmi və yaradıcılıq baxışının formalaşmasında mühüm rol oynayıb. O, İran Elm və Sənaye Universitetində mexanika mühəndisliyi – enerji çevrilməsi üzrə magistr dərəcəsi alıb və dilçilik, zehni fəlsəfə, neyroelm və sosiologiya sahələrində tədqiqatlar aparıb. Ayhan Miyanalı Azərbaycan türkcəsinin müasir strukturlaşdırılması, Unicode kodlaşdırılması və rəqəmsal dil texnologiyalarının inkişafında aparıcı simalardandır. O, mühəndislik, təsisat sistemləri, ağıllı ev texnologiyaları və enerji idarəetmə modelləri üzrə geniş təcrübəyə malikdir. a.b.t, YenİQapı, YardımOnline və digər rəqəmsal sistemlərin layihəçisi və inkişaf etdiricisidir. Bir neçə dünya dilində peşəkar tərcümə edən Miyanalı, Güney Azərbaycan kimliyinin və ana dilinin qorunması və inkişafı istiqamətində fəal fəaliyyət göstərir.

بو یازېنې دا اۏخویون /Bu Yazını da Oxuyun

بو گئجه / مهری زارع (شعر)

بو گئجه / مهری زارع (شعر) تانرېم بو گئجه بير ايسته‌ڲيم وار سن‌دن آینادا شاعیر …

Leave a Reply

Your email address will not be published. Required fields are marked *