یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / بو گئجه / مهری زارع (شعر)

بو گئجه / مهری زارع (شعر)

Screenshot_2023-11-17-00-47-17-241_com.camerasideas.instashot-edit
بو گئجه / مهری زارع (شعر)

تانرېم بو گئجه بير ايسته‌ڲيم وار سن‌دن
آینادا شاعیر گؤرمک ایسته‌ییرم
آرتېق دیزلریمده‌کی آغېرلېغې
میصراع‌لار’لا پایلاشماق ایسته‌ییرم
تانرېم بو گجه اونوتقان‌لېغې قاپېما پای گؤندر
ایچیمده‌کی قېشقېرېق‌لارې اۏنا قوربان كسمک ایسته‌ییرم

نۏلار سن ده گل!
چۏخدان دېر یوخولارېمې دا ایتیرمیشم
بیر قوجاق یوخو گتیر منه
گل آجې بیر چای، قۏناق اۏل منه
آجې‌لارېمې، یالنېز سنین‌’له پایلاشماق ایسته‌ییرم

عزرائیلی ده چاغېر
بیزی تانېشدېر
اۏنا جانېمی پای وئرمک ايسته‌ييرم

تانرېم بو گئجه قولاق وئر منه
سن‌دن اۏلان سۏن ایسته‌ڲیم بو دېر
باغ‌لارېمې قېرېب
باغرېندا باغېرماق ایسته‌ییرم!

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

آللاهیم اولسایدی/ پینار شاکر (شعر)

آللاهېم اۏلسایدې / پینار شاکر (شعر) منیم ده بیر آللاهېم اۏلسایدې طالئعین عۆفونت قۏخان آغزېندا …

Leave a Reply

Your email address will not be published. Required fields are marked *