یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
قارتال و قارقانېن ناغېلې
گؤڲۆن أن سۆرعتلی و گۆجلۆ قوش‌لارېندان بیری قارتال دېر. بیر گۆن قارتال بیر داغېن یاماجېندا دایانان داغ کئچی‌سی سۆرۆسۆنه دیققت یئتیردی. داغ کئچی‌لریندن بیرینی توتماق اۆچۆن جلد اوچدو. اۏ، گۆجلۆ جایناق‌لارې ایله بؤیۆک بیر داغ کئچی‌سینی توتدو. قارقا هۆندۆر آغاجېن اۆستۆنده باش وئرن‌لره حئیرت’له باخېردې. اؤز-اؤزۆنه دۆشۆندۆ:
– منیم اۆچۆن ده بو ایش چتین دَڲیل! منیم ده قاناد‌لارېم وار، من ده اوچا بیلیرم. اۏ، إله بیلیردی کی، اۏ دا داغ کئچی‌سینی توتا بیلر.
قارقا عئینی یئره اوچدو و داغ کئچی‌لریندن بیرینی گؤتۆرمه‌ڲه چالېشدې. آما اۏ، یئته‌رینجه گۆجلۆ دَڲیلدی. چۆنکی اۏنون قارتال کیمی مؤحکَم جایناق‌لارې یۏخ ایدی. هم ده اۏنو آپارماق اۆچۆن یئته‌رینجه گۆجلۆ قاناد‌لارې یۏخ ایدی. قارقا گَره‌کن دَرسینی آلدې.
هر کسین باجارېغې فرقلی دیر. اینسان گَرَک نه إده بیله‌جه‌ڲینی، گۆجۆنۆ و باجارېغې‌نېن سويّه‌سینی بیله، یۏخ’سا چۏخلو یئرلرده اودوزار دا، باشقا‌لارېنا ضرر وئرَر ده!
