یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / سئوگیمیز / مهسا عبدالعلی‌زاده

سئوگیمیز / مهسا عبدالعلی‌زاده

سئوگیمیز / مهسا عبدالعلی زاده

سئوگیمیز / مهسا عبدالعلی‌زاده

دریسی سۏیولور آن‌لارېن
و سؤزجۆک‌لر دوزلاق دېر
سپیلیر آن‌لارېما
دۏداغېمدا دهشت‌لنير پارتلایېش‌لار
ایزلنیر نم‌نئچه ایل‌لیک مومییالانمېش یالقېزلېق، گئديشين هسته‌ای بۏمبالارېن سس‌سیزليڲی
ياتېرتدې ايچیمده،
ایفئل بۏرجوندان اوجا تيكديڲين
سئوگی بینالارېنې…
مکتوب‌لارېمېن اۏن بیرینجی سئللولوندا دوستاقلادېغېم آدېن
ساققالانېب آرتېق
سئوگیمیز آرتېق سۆمۆكلنميش سئوگیلیم…!
هېچقېرېغېمې قانایېرام
قان دامېر اۆره‌ڲیمه،
بوراسې
سئوگی خسته‌خاناسې
سئوگیمیزین دامارلارېنې کیمسه تاپمایاجاق گل…
سئوگیمیزین آغزېندان سيقارئت قۏخوسو گلیرمیش
سئوگیمیز قفه‌لرده یاشامېنې تۆستۆلَییرمیش
سئوگیمیز سو کانال‌لارېن قېراغېندان تاپېلمېش
آخ… بير بورايا گلسن
گلسَنه…
گؤرسَنه اۏوجوندان تاپېلدېغې اۏن بیرینجی کؤپۆکلنمیش ترامادۏل‌لارې…
بیز کئف‌لريميز سارايېندا ياشايېردېق،
سئوگیمیز خییاوان-خییاوان اۆرَک ایزلرمیش
پۏلیس‌لر اۏنو ایزلرمیش
اۆره‌ڲیم توتوقلاناردې
باتۏم-باتۏم دارېخما گؤيرتیسی گؤيه‌رردی منده…
آه… بير بورایا گلسن
گلسنه…
گؤرسنه
سئوگیمیزین بورنوندان اۆره‌ڲینه دۆڲۆنلنمیش عۆصیان یۏل‌لارېنې

گؤرن‌می چؤزۆمله‌يه بيله‌جكسن
دۏکتۏرلارېن پېچېلداشمالارېنې…
اۏف جانېم…
من
هله ده آنلايا بيلميرم
سئوگیمیزین اۏوجوندان ترامادۏل تاپېلمېش
دامارلارېندا جېزېق ایزی وارېمېش…!

مهسا عبدالعلی‌زاده / 1392

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

IMG_20190219_234456_559

اۏ بیر قادېن‌دېر / ساناز عباسی

اۏ بیر قادېن‌دېر / ساناز عباسی قۏرخا قۏرخا یۏلونان گئدیردی. اؤز کؤلگه‌سین‌دن بیله قۏرخوردو کؤرپۆنۆن …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *