هرکس دؤنه‌جک کؤلگه‌سینه / موصطافا شیخ‌پور (شعر)

هرکس دؤنه‌جک کؤلگه‌سینه / موصطافا شیخ‌پور (شعر)

إویمین ایچینده بیر إو وار

اۏرادا من يۏخام

قاپېمېزې دؤڲه‌جکلر بیری‌لری

اۏلمایېنجا دؤنه‌جکلر إولرینه

اۏلدوغوم شهرده بیر شهر وار

بو شهرده من یۏخام

گلیب گزه‌جکلر توریست‌لر

چکیب گئده‌جکلر اؤز شهرلرینه

يۏخلوغومو حيس إتمه‌دن

بیری چانتاسېندا, بیری ایسه قوش‌لارېن قانادېندا

گؤتۆره‌جكلر منى إولرينه

کیمسه بیلمه‌دن، اؤزلری بئله

سۏنرا بۆتۆن إولرین ایچینده بیر إو اۏلاجاق

اۏ إولرده کیمسه یۏخ

بۆتۆن قاپې‌لار دؤڲۆله‌جک

کیمسه آچمایاجاق قاپې‌لاری

سۏنرا هرکس دؤنه‌جک کؤلگه‌سینه

 

موصطافا شیخ‌پور ۱۷ خرداد ایستانبول