یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
یولا آسیلمیش باخیشیم / لاله حقیقی
دویغومون سارماشیغی
سسین
سؤزون
آدین
اومودون.
سندن منه پای:
بیر خیال
شیرین رویا
یوخسا اولماسا یاشاماغیم نَدندیر؟
عطیرلی کؤینه گین
کورا ایشیق وئریر
ایشیقلاندیر یولا آسیلمیش باخیشی!
آجیقلی باخما گؤزلریمین سون سؤزلرینه
بیر داملا باخیش
بیر اووج اومود
بیر دوداق گولومسه
پای وئر گؤزلریمه.
گونلریم آغلار، سویوق قارا
آدسیز!
کؤرپوسوز!
سن سیز!
آیدینلا قارانلیق گونلریمی.
یوللار بویو گؤزلیه جم
گلَجَکلر سنی اومود وئریر.
سنه بیر قوجاق گؤز یاشی توپلامیشام
گل!
اورَگیمین یییه سی!
یئنی لندیر دامارلاریمدا ایسته ییشینی
گلمیینه قدر خطلیه جم کؤلگه لری
تا سن
گونلریم اوزاقلیقیلا دولو!
