یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / شاه‌گؤلی‌ده قار یاغیر…/ رعنا زارع

شاه‌گؤلی‌ده قار یاغیر…/ رعنا زارع

 

رعنا زارع

شاه‌گؤلی‌ده قار یاغیر…/ رعنا زارع

شاه‌گؤلی‌ده قار یاغیر
سرچه‌لر بارماق‌لاریمین اوجوندا دیر
آیاق یالین اوچور دوشونجم.
همان او ائوده‌سن
گؤلون اورتاسینداکی رستورانا باخیر پنجره‌ن
سن باشقا گؤزل‌سن
قارغالارین قوجالماغینی
ترک ائدیلمیش بالاجا قاییق‌لاری
قار آلتیندا دونان پشمک آغاج‌لارینی
داها یاخشی گؤردوگون اوچون.
شاه گؤلی‌ده قار یاغیر
گونئی سویوغوندان دونان آغاج‌لارین بیری‌یم
قول‌لاریمدا اؤزگورجه‌سینه حسرت وار
و بلکه منم ، پنجر‌ه‌ن‌دن آسلانان بوز پارچاسی
بهار نه بؤیوک قورخودور!
شاه‌گؤلی‌ده قار یاغیر
بؤیوک دَدَم کورسو قوروب فَوّاره‌لرین اولدوغو یئرده
اوشاق‌لیغیم بوز اوستونده زویور
نَنَم قار یئمیشانی داغیدیر گلیب گئتمه‌یه‌نه
آتام شهریار اوخویور
من قاردان آدام
قاردان قادین
قاردان آزادلیق دوشونورم
سنه بنزه‌ییر
أصلینده بوتون گؤزلوک‌لر سنی گؤرسه‌دیر.
شاه‌گؤلی‌ده قار یاغیر
نوقطه نوقطه اویناییر بئینیمده آنی‌لار
دیزاین ائدیرم سنی ائویمده
یوخلوغونو کوره‌ییرم دامدان
پنجره‌نـه باخیر تبریز
و منیم دوستاق دوواریم
جوراب‌سیز اوشویور آسیلمیش آرزولار
فیرلانیرام سَس‌سیز
دمپایه‌لریم…آخ!
دوشون‌سه‌نه!
نه اؤزگور هیجان‌ دیر
شاه‌گؤلی‌ده قار یاغیر…

یازار / Yazar : رعنا زارع

رعنا زارع, 1988/11/15 تبریز شهرینده دوغولموشام. اوشاقلیقدان یازماغا علاقه گؤسته‌ریب,14یاشیمدان شعر دونیاسینا آدیم آتدیم. حقوق لیسانسینی آلماقدان ایلک هدفیم اینسانلارین حاقلارینی اؤیره‌نیب اونلاری داها آیدین دوشونجه‌ایله اله گتیره‌ بیلمک ایدی. شعرسیز یاشاماق منیم اوچون,ال‌سیز آیاق‌سیز یاشام‌دیر.آخسایار. ایلک شعر توپلومو 2013 ایلینده, بیر کامیون قورخو آدیندا, چاپا یئتیردیم. باکی قزت‌لرینده شعرلریمدن چاپ اولدو,ها بئله آغری,مهد تمدن,آفتاب آذربایجان,اولدوز و بئلنچی درگی‌لرده شعرلریم اوخوجولارلا تانیشدی. ایکینجی کیتابیم‌ سارایین سون اعترافلاری اولدو.2015 ایلینده بو کیتاب‌لا عینی زاماندا ایلک کیتابیمین ایکینجی چاپی یایینلاندی. و بو ایکی کیتاب منیم اوچون اوغورلو گلدی و قیسا زاماندا اوخوجولار طرفیندن ایلگی گؤردو.یاخین زاماندا بو کیتابلارین یئنی چاپلاری ایشیق اوزو گؤره‌جک. اومودلویام گله‌جک گونلردن. اومودلویام اینسانلارین اوره‌یینه توخونا بیلمک‌دن. اومودلویام کئچن عؤمرومدن.

بو یازېنې دا اۏخویون /Bu Yazını da Oxuyun

ماوی ایتین گؤزلری

ماوی ایتین گؤز‌لری / قابرییئل قارسییا مارکئز

ماوی ایتین گؤز‌لری / قابرییئل قارسییا مارکئز اۏ، دیقَّت’له‌ منه‌ باخېردې، من‌سه، بو قېزې اؤنجه‌لر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *