قاراگۆن كيشی ايله فلک (حیکایه)
كيشي قبول ائديب يولونا دوام ائتدي. بير آز گئتميشدي بيردن بير آتلي چاپا – چاپا اونا ساري گلدي آتلي قورخموش بيريسينه بنزيردي و دئيرسن بيرزاددان قاچيردي .اونو گؤردوكده سوروشدو: آكيشي هارا بئله؟
– گئديرم فلگين دالينجا گؤروم منيم بختيمي نه يه بئله قارا يازيب؟
– ائله سه سندن خواهيش ائديرم فلگي تاپسان منيم درديمي ده اوندان سوروش . من بو اؤلكه نين شاهي يام آمما بيلميرم ندن دير بوتون ساواشلاردا من يئنيليرم .
كيشي شاهلا دا ساغ اوللاشيب يولونا دوام ائتدي
چوخ گئتدي آز گئتدي دره تپه دوز گئتدي. بير گؤزه يه چاتدي .اگلنيب ال اوزون يوغوب سو ايچيدي سونرا گؤزنين قيراقيندا بير بالاجا آغاجين كؤلگه سينده اوزانيب ياتيب دينجل مك ايسته دي بيردن بير سس ائشيتدي اويان بويونا باخدي كيمسه گؤرمه دي . يئنه او سس دئدي آكيشي سن كيمسن ؟هاردان گليب هارا گئديرسن؟
– كيشي نين اوره گينه قورخو دوشدو .
– سن كيم سن نه يه من سني گؤرمورم مي؟
– من باشين اوستونده كي آغاجام
كيشي آغاجا باخدي بير قول بوداقي نازيك ياپراقلاري سارالميش آغاج ايدي.
كيشي دئدي: من فلگين دالينجا گئديرم . دونيايا گلندن بئله ايشيم آه- زار دير ايستيرم گؤروم منيم گونومو نه يه بئله قارا يازيب.
آغاج دئدي: اكيشي اللاه ايشيني راس گتيرسين آنجاق تانري آشقينا فلكي تاپسان منيم ده درديمين علاجين سوروش ندن دير من گؤزه نين قيراغيندا اولا- اولا بئله گوجسوز قاليرام ياپراقلاريم سارالير گوللريم سولور بوداقلاريم قيريلير؟
قارا گون كيشي آغاجا سؤز وئردي فلگي تاپارسا اونون دا دردين سوروشسون.
او گئتدي گئتدي آخير بيربويوك دنيزه چاتدي . نه دنيزين ديبي بوجاقي وار ادي نه كيشي نين اوردان كئچمك اوچون بير نسنه سي. نايميد-نايميد دنيزين قيراقيندا اوتوروب قوللارين قولتوقونا ووردو . بيردن بير ناققا باليق باشين سودان ائشيگه چيخاريب اونا ساري گلدي .
ناققا باليق- آكيشي بوردا نه اوتورموسان؟
– هئچ گئديرديم فلگي تاپيب قارگونلو اولدوقومون ندننين اوندان سوروم آنجاق بو دنيزه اوغراديم اوندان كئچمگي باجارماييب قالميشام.
– من سني بو دنيزدن كئچيررم آنجاق سؤز وئر فلگه تاپسان اوندان سوروش ندن چوخدان دير من داها ياخشي نفس آلانميرام. سينم توتولور ياخشي اوزنميرم؟
– يشي سؤز وئردي اونون دا درديني فلكدن سوروش سون .
باليق اونو بئلينه آليب دنيزين اوتايينا كئچيردي.
قارا گون كيشي گئتدي گئتدي بير قوجا باغوانا چاتدي . او بئلي الينه آليب يئري سوواريردي .آنجاق يئرده بعضي كرتيلري سو ايله دويوروب داشيريردي بعضي سينه ايسه سو گئتمه يه قويموردو . بيردن بيرطرفدن داشيب بير دامجي سو گئدن ده ايسه توپراقين بئله ييب اويانا آتيردي
قوجا باغوان اونو گؤرجك سوروشدو آكيشي سن بوردا نئيليرسن؟ نه يه گليب نه آختاريرسان؟
كيشي دئدي: من فلگين داليجا گلميشم
باغوان دئدي فلك منم . دئه گؤروم نه ايستيرسن
– دوغوردان سن سن مي؟
– بلي منم
ائله سه ايلك منه دئه گؤروم بو كرتيلر ندير .
قوجا باغوان دئدي : بو كردلر خالقين روزوسو دور اونلاري كي سويو ايله دولودور خوشبخت لرين دؤولتلي لرين كردلري دير لر سوسوز قورو كردلر ايسه كاركاسيبين قاراگون لرين دير لر .
كيشي سوروشدو: بس منيم كرديم هاني؟
قوجا باغوان بارماقيله بير كردي ني گؤستردي . كيشي نين كردي سي دئيه سن ايللر ايدي بير دامجي سو داتماميشدي توپراق سوسوز آدامين دوداقلاري كيمي چاتلاق- چاتلاق اولموشدو 
كيشي حيرصين اوتوب سوروشدو:
يولدا گلنده من بير قوردا راسلانديم بير كسيلمه يه ن باش اغريسي وار ايدي
– اونون دردينين علاجي بير آخماق آدامين بئيني دير اون يئير سه توختاياير.
– همشه يئنيلن شاهين ايشي نئجه دير؟
– او بير قادين ديرقادين اولدوقون هاميدان گيزله يير. ساواشلاري اوتوماق ايسته سه گرك بير كيشي ايله ائله نه بيرليكده شاهليق ائتسه لر بوتون دوشمنلره غلبه ائدر لر .
– گؤزه نين ديبينده بيتن گوجسوز اغاجين دردي ندير؟
– اونون كؤكونون قيراغيندا بويوك بير خزانه قويلانيب او خزانه اونون كؤكون سويا چاتماقا قويمور اونا گؤره او بئله گوجسوز دور او خزانه اوردان چيخاريرسا او گوجليب قولبوداقلي دولو بير آغاج اولار
– ناققا باليقين نه يه نفس چكنمير؟
– اونون بورونونا بير ايري ميراري گيريب اوردا قاليب اونون نفس يولون باغلاييب بيري بير دگنك له اونون باشيندان وورارسا مرواري بورنوندا ائشيگه آتيلار اونون نفس يولوسو اچيلار.
كيشي بو سؤزلري ائشيدندن سونرا قوجا باغوانين اوستونه يوردو بئلي اليندن آليب اولده بير ايكي دانا اوندان چالدي – گده من سنه نئيله ميشم منيم كرديمي سوسوزوندان يانديريب قؤورموسان. سونرا گئديب سويو بوتون اؤز كردي سينه قوشدو باش اوسته دوردو كردي ني سو ايله دولدو ردو . دوزدو سو باتاندان سونرا بيرده دولدوردو بيرده….
كيشي سئوينجك قاييديب ائينه ساري يولا دوشدو
دنيزه چاتديقدا باليقي چاغيردي باليق تئز اونون يانينا گلدي
– نئجه اولدو ؟ فلگي تاپدينمي؟
– هه تاپديم
– منيم درديمي – درمانيمي سوروشدونمو؟
– بلي سوروشدوم
– نه دئدي؟
– مني دنيزين اوتايينا كئچير دئييم
باليق كيشي ني دنيزين اوتايينا كئچيردي
– فلك دئدي سنين بورنونو بير ايري ميرواري توتوب بير دگنك له باشيندان چالينارسا او ائشيكه توللانار
– بئله سه گل سن چال ميرواري ني ده اؤزونه گؤتور
– من كرديمي سو ايله دولدورموشام بئله بئله ايش گؤرمكدن ياخام قورتاريب ايندي گئديرم عؤمرومو خوش كئچيريم
– آخي بيرده چتين بوردا انسان اوغلو كئچه گل مني بو دردن قورتار
– من بير بئله چتين ليك چكيب بورا گلميشم ايندي آرتيق كئف سورمك واختيم دير.
باليق نه قدر يالوارديسا كيشي سايماييب اوندان آيريلدي.
گئديب گؤزه يه چاتدي .
آغاج اونو گؤردوكده سئوينجك سوروشدو : آكيشي فلگي تاپدينمي؟
– هه تاپديم .
– منيم درديمي سوروشدونمو؟
– هه سوروشدوم
– نه دئدي ؟
– دئدي سنين كؤكونون قيراقيندا بير بويوك خزانه قويلانيب او سنين كؤكونو سويا چاتماقا امكان وئرمير بير كيمسه اونو اوردان چيخارارسا سن سويا چاتارسان گوجله نيب قول بوداقلانارسان.
– بس گل لوطف ائت بو خزانه ني سن چيخار. بير يئرليك سنين اولسون
– هاها هاها . من كرديمي باشا جا سو ايله دولدورموشام بئله چتين ليك لر چكمه ييم ايندي ايسه گرك تئز گئديب عؤمرومون قالانين خوش كئچيرم
كيشي اوردان كئچيب گئتدي. بيردن بير نفر آتين چاپا-چاپا اؤزون اونا يئتيردي او هامان يئنيلن شاه ايدي. كيشي نين گؤردوكده سئينجك سوروشدو:
آكيشي فلگي تاپدين مي؟
– بلي تاپديم .
– منيم درديمي سوروشدونمو؟
– هه سوروشدوم
– نه دئدي ؟
– دئدي :سن بير قادين سان كي قادينليقي ني گيزلديرسن اونونچون همشه يئنيليرسن . غلبه چاتكاق اوچون بير كيشي ايله ائلنمگين گركدير اوندان سونرا بوتون دوشمنلره غلبه چالابيلرسيز.
– منيم سيررمي سندن سونرا باشقاسي بيلمير . گل منله ائلن بيرليكده شاه ليق ائد ه ك
– يوخ من كرديمي و ايله دويوروب داشيرميشام ايندي خوش كئچيرمك واختيم دير گليب شاه ليق ائتمه يه هئچ حوصلم يوخدور.
كيشي اوندان دا آيريليب اؤز شهرينه ياخينلاشدي . بيردن يئنه قورد اؤنونه چيخدي .
– آكيشي گئديب فلگي تاپابيلدين مي؟
– نئجه اولدو؟
كيشي باشينا گلنلرين هامي سين قوردا اچيب دئدي. قورد ايسه حوصله ايله قولاق آسدي آخيردا كيشي دئدي: بلي سنين باش آغرينين درمانين دا سوروشدوم : دئدي بير آخماق آدامين بئينين يئيرسن توختايارسان
– قورد باشين توولاييب دئدي ساغ اول آكيشي چوخ ساغ اول . ايندي اينصاف ائله سندن آخماقي من هاردان تاپا بيلرم . سنه كؤمك ائدن باليقين علاجين بوراخميسان . ميرواري ني بوراخميسان كؤلگه سينده ياتديقين آغاجين ديبنده خزانه ني بوراخميسان . سيرريني بيلديگين شاهلا ائولنيب پادشاه ليق ائتمگي بوراخميسان سندن اخماق تاپيلارمي؟
– آمما من سويو كرديمه قوشموشام
قورد كيشي نين سؤزلرينه باخماييب اونو ييرتيب بئينين يئدي.
بَنزَرگه‌لر / Bənzərgələr
ایکی یاشلې کؤرپهنین آجې حیکایهسی / واریث یۏلچویئو…
ایلان / رحیم علییئو (حیکایه)
قار دنهلری / آیناز بزرگان (حیکایه)
یالقېز إو / سحر روحی (حیکایه)
جزا / سئوینج إلسئور (حیکایه)
بوز / اومان میانالې (حیکایه)
دارا / آراز أحمداۏغلو (حیکایه)
بۏش كۏمۏد / حسن ثمودی قلعهلر (حیکایه)
قبیرقازان / ماکسیم قۏرکی (حیکایه)
