یئنی دن باشلادیق یئنی قاپی دان باخاراق / آیهان میانالی

 

یئنی دن باشلادیق یئنی قاپی دان باخاراق / آیهان میانالی

اوچ آی اؤنجه یئنی دن سایتی قورماغا قرار وئردیک.کئچمیشده کی ادبیات اوجاغینا چکدیییمیز زحمت لری هله اونوتمامیشدیق کی وطن سئوگی سی و دیلیمیزه بورجلو اولدوغوموزدان دولایی یئنه باشلادیق, آما یئنی دوشونجه ایله یئنی قاپی دان!

ادبیات اوجاغین بیر سورو بیزلری یوخ! دیلیمیزی سئومه ینلر سؤندوردولر آما نه ایسه یئنی دن گلدیک و یئنی قاپی دان باخاراق یئنی دوشونجه لریمیزی آیدین گله جه ییمیزه باغلادیق.

نه کیمسه دن یاردیم آلدیق و نه گؤزوموز خالقیمیزین الینده اولدو….!

هر زامان چاغداش درگی لره ، سرگی لره و سانال اورتاملارا باش ووراندان سونرا بو سورغو قافامیزدا اینجیکلی ائدیردی هیستوری لریمیزی!

مافیا،مافیا و یئنه مافیا…………..

هر اورتام دوزه نی بیر سورو دوستلاردان آیارلانیردی و اؤزلریندن و سئودیگی اینسانلاریندان مطلب ووروب آلقیش آلقیش چیچک یاغیردیلار!

بونلار بیزی سارسیداراق دوشونجه لریمیزه دامغا ووروردولار و نئجه بو اورتامی چؤزوب بیر دئموکراسی اورتام قورماغیمیزا یاردیم ائدیردی لر.

ایللر بویو کیتاب سرگی لرینه باش ووروب بالنیز شعر کیتابی الیمیزی دادیردی!

سانکی تورک دیلینده باشقا قونولار یازیلیب اوخونماز!

باشلادیق باشقا قونولاردا بیلیمسل آددیملار آتماق اوچون.یوللار داشلی تهلوکه لی ایدی لر آما آغری یی جانا آلیب نه الورسا اولسون ماهنی سین باغیراراق سسله نیردیک.

بو آرادا سورونلار یارانان بونلار ایدی:

بیز هئچ اوپوزوسییونا باغلی دئییل ایدیک و آزارکئش لیک آنلامایاراق یالنیز دیلیمیزین ساغلام قوروماغین دوشونوره رک آددیم لاریمیزی داها گووه نجه ایله اؤنه آتیردیق.

او زامان بیزی دستک ائدن کیم اولا بیلردی؟؟؟؟

کیم و کیم لر؟؟؟؟

اولولاری سئوه رک اونلاری وحی منزل بیلمه ییب آراشدیرمالاریمیزی داها گئنیش ائدیب چوخلو دَیرلی قاپی لاری آچا بیلدیک.

بو سایت ایندی سه کیچیک اوشاق دیر آما گله جک ده بیر بؤیوک بولتن و بیلبورد گؤرونور کی دیلیمیزین بوتون ساحه لرین اینکیشاف و  گؤزلرین اؤنونده ائکران اولوناجاق.

بو یولدا ایندی سه نئچه گنج ایشی قاباغا آپارا بیلیریک آما یاواش یاواش دیلیمیزین قایغی سین چکنلرین الینی سیخماغا ماراغلی اولوروق

شوعاردان کئچیب ائده نک لری یئرینه چاتدیرماق چاغی یئتیشیب دیر.

بیزیم قاپی دا هر شئی یئنی دیر دوشونجه لر ،آددیم لار و اولای لار

یالنیز سایغی ایلا داورانماق کئچمیشده کی دیلیمیزی یاشادانلارا ان اؤنملی بیر قورالیمیزدی و گنج لرین الین توتماق ان اؤنملی گؤره ویمیزدیر…..

او زامان بیزیمله اولون  بیزده حاق لا.سو اؤزو یولون تاپیب چایا قوشولاجاق،چایلاردا بیر گون دنیزین قوجاغیندا دینجه لیب دالغا دالغا سئویشه جک لر.

بیزیم قاپی ائلین قاپی سی دیر بیر اومود ائوی کی اورادا دیلیمیزین اؤگسوز چاغین اووسونلایاراق باریش و سئوگی ماهنی سین بیرلیکده اوخویاجاییق.

اوزامان سایتین بوتون بؤلوم لرینه باش ووروب بیزه بو خزینه نین زنگین ائتمه سینه یاردیم ائدین.

اولسون کی گلجک ده ائلیمیزین کؤنول ائوی اولسون.

 

بویورون یئنی باخیش لا یئنی قاپی یا دوغرو

بو قاپی آچیقدیر تورک دونیاسینا….

ایشیق،آنلام،توروز،یوردداش،یاشماق کیتاب سیرالاری،اندیشه نو،اختر،پارلاق قلم و…..چوخلو سایین قایغی کئش لریمیز کی آدلارین آپارمادیق هامینیزی سئوه رک بو یولدا بیرلیکده تورک دیلینین اوغروندا چایشماغیمیزی تانری دان دیله ییریک.

 

یئنی قاپی دات کام

آیهان میانالی:

دیلیمین ان کیچیک اؤیرنجی سی