بیوگرافی / هابیل علی یئف

بیوگرافی / هابیل علی یئف

هابیل مصطفی اوغلو علی یئف چتین و ماراقلی بیر حایات کئچیرتمیشدیر.
او۱۹۲۷نجی ایل مای آینین ۲۷سینده آذربایجان جمهوریتینین آغداش رایونونون اوچ قوواق کندینده آنادان اولوب.۷یاشیندا ایکن رایون مرکزینده کی ۳سایلی ۷ ایل لیک مکتبه گئتدی.همان ایل لرده مشهور موغننی و موسیقی معللیمی (احمد آغدا مئسکی_احمد بشیر اوغلو بدل بی لی) هابیل گیلین ائولرینده کیرایه ده یاشاییردی.احمد آغدامئسکی نین یاشادیغی ائوه هر واخت موسیقی چی لر توپلاشاردی و موغاملاردان، تصنیف لردن، خالق ماهنی لاریندان دانیشار و یئری گلدیکجه اونلاردان پارچالاری تاردا ویا کامانچادا ایفاائدردیلر.
بالاجا هابیل اوشاق ماراغی ایله چالغییا قولاق آسیب و معناسینی آنلامادیغی صحبت لری دینله یردی.
ائله همان واخت دان دا هابیلین اوشاق قلبینه صنعته محبّت کؤزو دوشموش گون به گون آی با آی آلیشیب آلوولانماغا باشلامیشدیر.آناسی نیساءخانیم ایسه اوغلونون قلبینه دوشموش بو محبّت اودونو اؤز آنا نوازیشی ایله داهادا آلوولاندیرمیشدی. هابیل علی یئف اونلاری بئله خاطیرلاییر： منیم صنعت عالمینه گلمه ییمده ایکی  اولوب. اونلاردان بیری احمد آغدا مئسکی، اوبیری ایسه آنامدیر.احمد آغدا مئسکی منه صنعتین نه اولدوغونو آنلاتدی، آنام ایسه منده صنعته محبت یاراتدی.
یاخشی یادیمدادیر اوشاق ایدیم. چؤمچه نی کامانچا کیمی دیز لریمین اوستونه قویوب اوخلووو اونون اوستونه سورتوردوم آنام بونو گؤروب سوینجله دئدی
_دیه سن اوغلوم کامانچا چالان اولاجاق..
احمد آغدامئسکی آنامین سؤزونه قووّت وئردی
_هه,نیسا باجی, اوشاق چالقیچی اولماق ایسته ییر.گتیر قویاق بیزیم موسیقی مکتبینه اوخوسون.آخیری پیس اولماز.
بو آنامین اورییندن اولدو.من آغداش موسیقی مکتبینه قبول اولدوم.اؤنجه تارلا ماراقلاندیم.آنجاق فیزیکی جهت دن ضعیف اولدوغوم اوچون بیله گیم تارا تاب گتیرمه دیر.کامانچانی سئچدیم.ائله همان واخت دان دا مئیلیمی کامانا سالدیم.واختیمین چوخونو کامانلا گئچیرتدیم یادیمدادیر۱۹۳۸_جی ایل ایدی.مکتبیمیزده هانسی سا بایراما حصر اولونموش گؤرکملی گئجه کئچیریلیردی عؤمرومده ایلک دفعه اولاراق همان گئجه ده ایشتیراک ائتدیم.چالغیمی هامی آلقیشلادی.او گئجه اَن چوخ سئوینَن آنام اولدو,بیرده اؤزوم. من ایسه سئوینج دن آغلادیم.ایلاهی صنعت ده ایلک آدّیمین سوئینجی نئجه ده بؤیوک اولورموش!
۷_نجی صینیف و هم ده موسیقی مکتبینی بیتیرندن سونرا هابیل (پداقوژی ) مکتبه داخیل اولدو. موحاریبه نین(بؤیوک وطن موحاریبه سی۱۹۴۱_۱۹۴۵) دئهشت لری گئتدیکجه داها چوخ حیس ائدیلیردی.هابیل گیلین عاییله سی ده آجلیق_قیتلیق کئچیریردی.اَری محاریبه یه گئتدییینه گؤره بویوک باجیسی سعیده اوشاقلاری ایله آتا یوردونا کؤچموشدور.ائوین دولاناجاق اومودو هابیل اولموشدور. بونا گؤره ده او (پدا قوژی ) مکتب ده اوخوماقلا برابر آخشاملار نجف بی وزیر اوف آدیندا آغداش دؤولت درام تأتریندا ایشله ییردی. کامانچا چالیردی. بالاجا هابیل عئینی زاماندا آغداش (رایون پییونئرلر ) ائوینده رقص درنه گینین ده عضوو ایدی. و او ۱۹۴۴_نجی ایلده باکیدا کئچیریلن باخیش موسابیقه سینین غالیبی اولموشدور.(او زامان مسابیقه لنته آلینمیش و همان لنت یازیسی(.WMv,2.21MB)بو گونده مرکزی دؤولت آرشیوینده ساخلانیلیر).

هابیلین یادداشت خاطیره لریندن：

“اوندا موحاریبه نین قیزغین چاغلاری ایدی.بوتون قوهوم لارین,قونشولارین کیشی لری,اوغلانلاری,جیبهه لرده ووروشوردولار. قارداشیم محمدیه ده جیبهه ده ایدی.من آخشاملار ائیوان دا ایلَشیب هئچ نه یه محل قویمادان اؤز کامانیمی ایشه سالیردیم.بیرده گؤروردوم کی,أرلری,اوغول لاری,نیشانلی لاری موحاریبه ده هلاک اولموش قونشو قادینلارینین آه ناله سی کامانین فریادینا قووشولوب.کیمیسی آغی دئییر,کیمیسی بایاتی چاغیریردی.اوندا آنام دا آغلاییب شیون قوپاریردی.چونکو قارداشیم محمدیه نین ده اؤلوم خبری گلمیشدی.غریبه دیر. اوندا من آغلایا بیلمیردیم.آنجاق چالیردیم.دردیمی کامانا دئییردیم.اوندا ائله بیل بوتون آنالارین,باجیلارین دردی کَدَری,منیم کامانچامین سیم لرینه هوپموشدور.”
سانکی من آنالارین آه _فریادی آلتیندا موحاریبه نین دئهشت لرینی اؤزونده عکس ائتدیرن یئنی بیر موسیقی پارچاسی یاراتمیشدیم.منه ائله گلیر کی,ایندی ده کامانیمدا او سسلر ,او فریادلار قالماقدادیر…اونودا دئییم کی,همان عرفه لرده (یعقوب محمد اوف ) (تارزن گولابلی حمید )له آغداشا گلمیشدی.قوشولدوم اونلارا همان دسته ایله ایسماعیل لی رایونونا دا گئتدیم.ایکی _اوچ تویدادا چالدیق و ائوه گتیره مه یه قازانجیم اولدو.سونرا یئنه عاددی گونریم باشلاندی. ائله هئی فیکیرلشیردیم کی, نه ایشین اوجوندان یاپیشیم,نه ائدیم اوره گیمجه اولسون,تاپا بیلمیردیم.موحاریبه قورتاردی. بؤیوک باجیمین اَری قاییتدی عائیله لیکجه کؤچدولر(ایمیشلی رایونونا .اونونون مه زره لی کندینه )منده کامانچامی قولتوغوما ووروب اونلارلا گئتدیم.جماعاتین اوره گی کؤنلو آچیلمیشدی. توی سؤزو تزه دن دیل لرده و اورک لرده گؤیرمیشدی.

آردی وار……

هابیل علی یئف ین حایاتینین ماراغلی اولای لارین بوردان اوخویون

حاضیرلایان : پینار شاکر