یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / و بير گون تانري گله‌جک / مینتاج ائل سئور

و بير گون تانري گله‌جک / مینتاج ائل سئور

 

 

و بير گون تانري گله‌جک / مینتاج ائل سئور

و بير گون تانري گله‌جک / مینتاج ائل سئورو بير گون تانري گله‌جک.
آغلايا-آغلايا
اونو ائتديکلرينده گؤرمه‌ينلره
سونونجو گؤز ياشلارييلا.
گؤز ياشلارينين سسي بورويه‌جک عالمي.
باشي گؤيلره دين
بومبوز داغين اتگي
اطراف تورپاق ايچينده،
قوم اوستونده شوتويَن
قارا آتلي قاريشقالار
و بير ده
بير دسته چاشقين آداملار.
موسلماني، مسیحی سی قاريشيق،
هر کس دوياجاق.
ويجدانين، مرحمتين،
عدالتين، صداقتين،
حؤرمتين، محبتين
سسي کيمي…
چايلاريندا باليقلار،
دنيزينده يوسونلار،
مئشه‌سينده آغاجلار،
سماسيندا ياغيشلار،
گئجه‌سينده اولدوزلار،
گوندوزونده بولودلار
قوشولاجاق بو سسه…
کیلیساسيندا کئشيشلر،
مسجيدينده موللالار،
کلکبازلار و صافلار،
شام يانديران تنهالار…
بير ده ايلانلار سورونه‌جک –
زهرلي و قورخولو يوخ،
مظلوم و قورخاق.
آغلايا-آغلايا تانري گله‌جک.
بير الينده آزادليغينين،
بير الينده سئوگيسينين بايراغي.
يا بير يورغان، يا دا کفن تک
بايراقلاري اوستوموزه چکه‌جک،
سونرا ميليون ايلين گؤز ياشيني تؤکه‌جک.
آغلاياجاق، آغلاياجاق، آغلاياجاق،
ايللردي گؤردويو گؤزل و قورخولو يوخويا
مؤحتشم و ابدي ياس توتاجاق…

 

مینتاج ائل سئور

 

کؤچورن : آیهان میانالی

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

توتولارکن / علی نوروَش (چاغلا) (شعر)

توتولارکن / علی نوروَش (چاغلا) (شعر) قاناد آچدېم اوچماغا، قانادېمدان ووردولار. آددېم آتدېم قاچماغا، منی …

Leave a Reply

Your email address will not be published. Required fields are marked *