یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
قالسین محشره / لیلا ندایی
سون وداع ایدی،،
اوره‌گیم اوزولررررکن..
فلکه قارغیش ائدرررکن..
دیلیمین اوجونا قدَر
اودلانمیشدیم….
سنه سئویله‌مـه‌دیم
سنین گؤزلرین آخینیردی!؟
گؤزلریمه گؤز تیکیب..
حسرتـدن…
دئدیم قالسین گؤروشوموز
محشره..
أل‌لریم ألینـده تیتره‌ییردی
گؤگون پرده‌سی ییرتیلدی ..
درین آهیم دان…
داریخما دئدیم!
ایسرافیل توتـه‌گین چالانـدا…
یئرگؤگ
قاریشانـدا…
کائناتی قارا‌قورخو بورویَنـده
اولدوزلار بیرینـه دولاشانـدا….
اؤلولر سرسه‌کـه‌لی
دورانـدا
اورک‌لر پارچا‌لانانـدا…
یقین بیل..، من سنی تاپاجاغام!
اومحشر چؤلونــده…
هارای-هارای، هارای سالاجاغام…
ملک‌لری ده، صفــه باغلایاجاغام…
بودونیادا، منه وئرمـه‌دیگین..
عشقیم،بو دونیادا.. منه وئریب،..
اوشاق کیمی باشیمی چیرپیب،،
آللاهین..أتـه‌گینه آغلایاجام….
دیزچؤکوب تانری‌نین أتـه‌گینه
داغیلاجاغام!!!
آیی……اولو تانریم!
من سنـدن سئوگیمـدن باشقا
هئچ ایسته‌گیم یوخ !
قورتار اوره‌گیمی بو چیرپیینتی‌دان….
طوفان بوروموش …
خَیالیم‌دان…..،
چاتلامیش باغریمـدان…
توختاق‌لیق وئـر منه..
ای قارانلیق‌لاری، ایشغــا
چئویرن آللاه!
طالعیم‌دن قارا گئییمی اوز، أل‌لرین’له
چیخارت!!!!!!
چک آت بوزَهَرلی اوخو
اوره‌گیمین ایچینــدن!!
بورا قدَر، منیم ایچیم
أن بؤیوک بیر،
مزار اولاراق، بوتون آرزی‌لار
اومودلار، بوتون سئوینج‌لر
باسدیریلیب…..
داها دؤزوموم یوخ، یوخ….
گؤزل یارادانیم…
بو سون دونیادا
بوغملی لیلانـــی
سئوگیمـــه باغیشـــلا، باغیشـــلا…
لیلا ندایی
