یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / دیللَشمک / ائلشن بؤیوکوند

دیللَشمک / ائلشن بؤیوکوند

دیللَشمک / ائلشن بؤیوکوند

دیللَشمک / ائلشن بؤیوکوند

دیلین’له دیلله‌شرسه شرابلی دیلیم

اوره‌گیم باراماسیندان اوچوشار دوداغین

آچیلارسا هؤرولموش ساچین

دیسکینر اوتاغین هاواسی

و آلوولانار ائحتیراس لامپاسی

بوتون ماهنی‌لاری اونوتماق

و مین‌لرجه اورپَش‌میش توکون

اؤپوش سیمفونییاسی یاتاغیندا اوزانماق

هوجئیره‌لریمیزین مؤولانا سایاق

وَجده گلمـه‌سینی دوشون

دوی

دوداغیمیزدا قیغیلجیم چیچـه‌گی‌نین جوجـَرمه‌سینی

گؤیَرچین‌لرین سنین دؤش‌لرین آراسیندا

یووا قورماق ایسته‌گی

و اوتاق اوره‌گی‌نین دؤیونمـه‌سی

سوورولمایاجاق یادداشیندان

پنجره گؤزونـدن توزو سیلر گونش

و سَرچه‌لرین اؤپوشمه‌سی دوشر اوتاغیمیزین دیوارینا

دیلین’له دیللـه‌شرسه شرابلی دیلیم

اوره‌گین باراماسیندان

اوچوشار دوداغین.

26/9/91

 

ائلشن بؤیوکــوند

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

آللاهیم اولسایدی/ پینار شاکر (شعر)

آللاهېم اۏلسایدې / پینار شاکر (شعر) منیم ده بیر آللاهېم اۏلسایدې طالئعین عۆفونت قۏخان آغزېندا …

Leave a Reply

Your email address will not be published. Required fields are marked *