یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
پنجره‌دن یاش گلیر / إلشن میانالی
پنجره‌دن یاش گلیر،
سانکی تانری آغلاییر…
بری باخیرسان باخ،
یا دا چیخ گئت بورالاردان!
بولودلار کؤینک‌لری‌نی سیخارکن،
بیزیم پنجره‌لر ایسلانیر؛
آتام یازیر،
من باخیرام،
تانری آغلاییر.
یالانییمیش
داش گلن پنجره‌نین ناغیلی!
یالانییمیش
بری باخان‌لارین خاطیره‌سی!
پنجره‌دن یاش گلیر،
آتام آغلاییر،
تانری باخیر!
و من داریخیرام…
(إلشن میانالی ۷ یاشین‌دا)
