یئنی یازې‌لار / Yeni Yazılar
آنا صفحه Ana Səhifə / ادبیات / دۆنیا‌نېن نه‌ گؤزَل واختې گؤرۆشدۆک / زلیمخان یعقوب

دۆنیا‌نېن نه‌ گؤزَل واختې گؤرۆشدۆک / زلیمخان یعقوب

zelimxan yaqub-www.YeniQapi

دۆنیا‌نېن نه‌ گؤزَل واختې گؤرۆشدۆک / زلیمخان یعقوب

أریدی حَسرَتیم، آچېلدې بوزوم،
جَنّت عطری وئردی چؤره‌ڲیم، دوزوم.
گئتدی قار-بۏرانېم، گلدی نۏروزوم،
آللاه‌ اۆزۆمۆزه‌ باخدې، گؤرۆشدۆک.
اۆز-اۆزه‌ دایاندېق، گؤز-گؤزه‌ دوردوق،
دۆنیا‌نېن نه‌ گؤزَل واختې گؤرۆشدۆک!

قارېن قار عطری وار، بارېن بار عطری،
بیر چیچک عطری وار، بیر ده‌ یار عطری،
آرزې‌لار دالغاسې، دویقو‌لار عطری،
اۆرَکدن-اۆره‌ڲه‌ آخدې، گؤرۆشدۆک،
دۆنیا‌نېن نه‌ گؤزَل واختې گؤرۆشدۆک!

قوربان کسیلیرم من بو آخشاما،
دانېشدېن دیلیندن بال داما-داما،
سَنین‌تک ایشېغا، منیم‌تک شاما،
طالئع اؤز اۏدونو یاخدې، گؤرۆشدۆک.
دۆنیا گؤزَل‌لَشیر گؤزَل گۆلنده‌،
دۆنیا‌نېن نه‌ گؤزَل واختې گؤرۆشدۆک!

آباد‌لېق گتیردی بیر ویران‌لېغا،
گلیشین سۏن قۏیدو لال قاران‌لېغا،
زلیمخان یئنه‌ ده‌ چاتدې خان‌لېغا،
گۆلدۆ گؤزَل‌لیڲین تاختې، گؤرۆشدۆک.
آی سلام گؤندردی، گۆن أحسَن دئدی
دۆنیانېن نه‌ گؤزَل واختې گؤرۆشدۆک!

25 مارت 2000

Yazını bu əlifbada oxuyun: TÜRKCƏ

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

1F

شاعیر ایله دۆنیا / حسین رزمی (شعر)

شاعیر ایله دۆنیا / حسین رزمی (شعر) گؤرۆرسَن دۆنیانېن ایشینی شاعیر!؟ أن یاخېن یئریندن وورولور …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *