یئنی قاپې Yeni Qapı یئنی قاپې، یئنی باخېش دېر تۆرک دۆنیاسېنا
حیات / اسماعیل پیل‌پایه
اؤیرشمک دَڲیل کی حیات
دَڲیل اؤیرنمک یاشاماق
چۆنکۆ هئچ زامان
آن‌لاردان، ساعات‌لاردان
و ایل‌لرین باغلیغیندان،
دره بیلمیرسن کی، دَڲیشیک‌لیک بارېنې؛ سطیر-سطیر کیتاب‌لارېن أزبریندن
کلمه-کلمه دۏداق‌لارېن دَبرمه‌ڲیندن
و سن بیلمیرسن کی،
اۏ گرَک‌لیکده‌کی آندا
اوچور هر شئی،
سطیر-سطیر و کلمه-کلمه
و سن
یانلېز سن اۏلورسان،
یئنه سن
او اوشاق‌لېقدا بیتن سن!
سای‌لارېن اۏیونوندا، کیمیدی‌ده دی
یئددی،
ألیندن گئتدی!
اسماعیل پیل‌پایه، موغانلی گنج شاعیریمیز، شهریور آیې‌نېن ۱۷-نجی گۆنۆنده، اۆرک‌دایانېشیندان دۏلایې، گۆنئی آذربایجانېمېزین أدبیاتېنې یالقېز بوراخېب، دۆنیاسېنې دَڲیشدی. یئنی قاپې مئدیا، بو آجې اۏلایې، اؤنجه گۆنئی آذربایجانا، سۏنراسې بۆتۆن تۆرک دۆنیاسېنا باش ساغ‌لېغې دئییب، بو گؤزل دویقولو، اینجه قلملی شاعیرین یادېنې قالارقې، یۏلونو داواملې اۏلماق ایسته‌ییر.
