یئنی یازې‌لار / Yeni Yazılar
آنا صفحه Ana Səhifə / ادبیات / کؤشه یازې / دیری‌لری اؤلدۆرن تۏپلوم / آیهان میانالې

دیری‌لری اؤلدۆرن تۏپلوم / آیهان میانالې

ayhan miyanali- www.YeniQapi.com 

دیری‌لری اؤلدۆرن تۏپلوم / آیهان میانالې

سؤز بئله باشلایېر:
ایندی بیز نئیله‌یک، ملکنژاد؟
نیگار خیاوی

محمد ملکنژاد دا بوشونا گئتدی ادبیاتیمیزین بوش قالمیش الیندن. محمد ملکنژادین اؤلوم خبری سارسیتدی ایچیمی، اونو یازیب یاراتدیغی اثره ادبیات چئوره‌سینین سوسقونلوقلا یاناشماسی دیغلاتدی… ادبیات چئوره‌میزین باندبازلیغی، شهرتبازلیغی، اوستادبازلیغی، دارگؤزلولویو… چَرلتدی. سن منی دوکتور عنوانلا، من سنی. سن منی معلم اوستاد عنوانلا، من سنی. بئله بیر بوغاناقلی اویونلار چرلتدی اونو. اونو بیزلر چرلتدیک، اونون اؤلومونده‌هامیمیز گناهکاریق، هئچ بیریمیز یاخا قاچیردابیلمریک بو جنایتدن.‌هانی بیزلری جزالاندیراجاق عدالت محکمه‌سی؟ هر بیریمیز بو محکمه‌نی اؤز ایچیمیزده قورماغا محکوموق.

قایناق: ishiq.net

اۆسته‌کی یازې‌لارې سایېن نیگار خیاوی‌دن (سیز اۏخویون نیگار آنادان!) اۏخودوقدا، اؤز باشېما گلن‌لرین بوگۆنکۆ سارماشېغېنا دۆشۆنۆب، آی‌لارجا سوسقونلوقدا آغلایېش‌لارېما یئنی‌دن قاتلاشدېم!
ذاتن بیزلر هر زامانکې کیمی، دیری‌لری دارتېب بیتیرر کن، اؤلۆلری اؤزله‌ییب عزیزله‌ییریک.
اوزون زامان‌لارېن أمه‌ڲینی، دنیزه بنزر بیر دویقو’یلا، بو ایل دۏغما تبریزیمده سرگی‌له‌مه‌ڲه حاضېرلانېردېم.
بیر ایلین ایچینده ۹۶ کیتاب!
بو بیر کیچیمسه‌نن ایشه اۏخشامازدې!
“دۆنیالېق بیر رئکۏرد و داها دۏغروسو تۆرک دۆنیاسې‌نېن باشې اوجالېغې…”
آما نه‌دن و نه‌دنینی بیلمزدن، بیردن-بیره بۆتۆن کیتاب‌لارېم اؤنجه میللی کیتابخانادان، سۏنراسې مۆجوّیز سېراسېندان سیلیندی!!؟

بو حاقدا، و نه‌دنین بیلیب، سۏرونو حل إتمک اۆچۆن، سس‌سیز سمیرسیز چۏخ چالېشدېم؛ آما سانکی قیسمت دَڲیلمیش بو ایل دۆنیانېن أن سئویلن تۆرک شهرینه (آرتېرمالې‌یام، میانام‌دان سۏنرا) باشې اوجا آیاق قۏیام.

بو آرادا، تکجه سایېن “سعید موغانلې” جناب‌لارېندان، باشې اوجا یاشماق نشریاتې‌نېن باشچې‌سې و عزیز قارداشېم، گؤزل شاعیر و یازارېمېز “صالح سجادی” جناب‌لارېندان منیم و “یئنی قاپې‌”نېن اۏرادا اۏلۏب-اۏلماماغېنا ماراق گؤرسه‌دیجی سس‌لر گلدی.
عؤمۆر بۏیو أمه‌ڲیمین سسی‌نی سؤندۆرن أل‌لر، هئچ اوتانمازدان، اؤزلرینی خبرسیز-اویمارسېز گؤرستدیلر!

آما نه ایسه بو یۏلا آددېم آتارکن بونلارا دۆشۆنمه‌لی’یدیم.
بونجا زامان، آرخامجا أن چیرکین سؤزلری، أن اویلان‌سېز ایفتیرالارې إشیتدیم؛ سوسدوم، داها گۆجلۆ چالېشدېم. یاشام یۏلداشېمېن و اۏغلان‌لارېمېن واخت‌لارېنې چالېب، گئجه-گۆندۆز، دیلیمه-إلیمه چالېشدېم.
بیر “کؤلگه‌ده‌کی سس” کیمی، یئنی قاپې‌نېن و یئنی دۆشۆنجه‌نین کۆتله آراسې بسلنمه‌سینه، جانېمدان، ساغ‌لېغېمدان بیله کئچدیم.
آما یئنه هر زامان‌کې کیمی، اۆره‌ڲیمی یارالایېب، یاراما دوز سپدیلر!

من بیلمزدیم بیزیم آیدېن دۆشۆنرلریمیز، اینسانې اۏنلاردان آلچاق اۏلارکن سئورلر!
آیاق توتوب اوجالدېقجا، بالتالاندېم، ایفتیرالاندېم….

ایندی آرامېزدان کؤچۆب گئدن‌لریمیزی داها یاخشې آنلایېرام.
اینسانې، یالتاق آخېن‌لارا باغلې اۏلمادېغېندا، أزیرلر، آیاقلایېرلار، اۆزۆرلر، اؤلدۆرۆرلر؛ “آیاق‌لارې‌نېن آلتېندا أزندن سۏنرا، باش‌لارې‌نېن اۆستۆنده یئرلشدیریب، آپارېرلار!”، حئییفسه‌ییرلر، اۆزۆلۆرلر….

ایندی سؤزۆم اۏنلارادېر؛ اؤز دۆشۆنجه‌لرینده منی یېخېب سئوینن‌لر، منی آیاقلایېب کئچنلر: باشېنېزې اوجا توتون، سئوینین، منی بو ایل أزدیلر، تبریزیمه یۏل وئرمه‌دیلر، سئوینین بو اۏلای اۆچۆن، سئوینین!
کئشکه ویجدانېنېز اۏلسایدې و بو ایکی سۏرغوما یانېت وئرسه’یدیز؛
منی نئچه‌یه و نه‌یه ساتدېېز!!!!؟؟؟
منی ساتاندان سۏنرا، أدبیاتېمزا نه‌یی قازاندېردېنېز؟

و نئچه سؤز دۆڲۆنلنمیش دردلی بۏغازېمدان:

آیهان میانالې هله آیاقدادېر؛ چالېشاجاق، هم ده داها آرتېق و داها گۆجلۆ!
آیهان میانالې‌نې، یالنېز اؤلۆم سؤندۆره بیلر!
یئنی قاپې هر زاماندان داها گۆجلۆ، داها یئنی‌لیڲه آیناشان گؤرۆنه‌جک؛ نه‌دن کی، یئنی قاپې‌، یئنی باخېش‌دېر تۆرک دۆنیاسېنا.

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

آیهان میانالی

إتیکئت‌سیز اینسان‌لېغا، باسقې‌لار نه‌لر إده‌بیلر؟ / آیهان میانالې

إتیکئت‌سیز اینسان‌لېغا، باسقې‌لار نه‌لر إده‌بیلر؟ / آیهان میانالې   کۆتله‌نین دَرنَک‌سیزلیڲیندن آسېلې، هر اۏیونونو ایسته‌ییرلر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

بیر یۏروم / Bir Yorum

  1. Olayın dəqiq nə olduğu bu yazıda bilinməsə də, ədəbiyyatımızın niyə irəli gedə bilməməsi açıq-aydın burada açıqlanır. Nə yazıq bizlər içimizdə bir diktator bəsləyib ona tapınırıq. Amma utanılması gərəkən bu diktatoru özümüzdən eşikdə axtarmağımızdır. özümüzü üçün yaşamaq yerinə özgələrin alqışı üçün yaşamaq sevdası bizim əlçatmaz zirvəmiz olub. daha çox bəyənilmək və daha çox alqışlanmaq! Amma nəyə və niyə?! Heç onu özümüz də bilmirik. Bu bizim gözümüzü elə kor edib ki heç burnumuzun ucunu belə görə bilmirik. Hələ bu baxışla bir də NASAnın başqanlığı yuxusu ilə yatıb dururuq. Bİr az insafli düşünsək, savadsız adlandırıb bütün əməklərini suya
    tökdüyümüz keçmiş dədələrimizin ölməz eposları ilə tutuşdursaq biz əlimizdə olan bunca imkanlara görə nə yarada bilmişik? Dağlarca əzəmətli və güclü olan o təməl binövrəni görməzdən gəlib havada saray tikmək bizi yelqovanlardan artıq edə bilməz. Hər püf ilə o yan bu yana qaçan yelqovanlar! Özümüzə dönə bilib özümüz, özlüyümüz olmaq alın təri, əl qabarı istər. Eyni halda bu yolda alın təri töküb əl qabar edən böyüklərimizi də tanımaq məqsədə çatmaq üçün bizəən böyük yolgörsədəndir. Bu yolda YENİ QAPI sözün doğru anlamında bərəkətlərə açılan yeni qapıdır. Bu qapını elimizin və dünyanın üzünə açan əziz qardaşımız Ayhan Miyanalıya şəxsən təşəkkürlərimi bildiməyi özümə borc bildim.

Leave a Reply

Your email address will not be published. Required fields are marked *