یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / آزاد شعرلر / حَیَط / نرمین کامال (شعر)

حَیَط / نرمین کامال (شعر)

Nermin Kamal-www.YeniQapi.com-

حَیَط / نرمین کامال (شعر)

 

کۆلک قالخدې، هر نه‌ تاپسا بارماغېنا دۏلایېر

بو حَیَطده‌ اوشاق یۏخدو، إله‌ آنجاق یارپاق‌لاردې اۏینایېر

یارپاغېن دا گۆجلۆسۆ، مظلومو وار،

آیاق‌سېز اوشاق کیمی بوردان بورا حَیَطه‌

قاچا بیلمه‌ڲه‌نی وار.

بو کۏمادا چۏخدو إله‌ یارپاق‌لار

پالازدا وار، یۏرقاندا وار، دووار کاغېذېندا وار

پالاز إله‌ کؤهنه‌دی، تارزن گلسه‌ ایپ‌لرینده‌ تار چا‌لار

پایېز بیزیم پالازداکې یارپاق‌لارا بیر اۆفله‌’سه قالدېرار

دووار کاغېذېنداکې یارپاق‌لار یاشېل ایدی،

یاپېشقان سارالدېقجا یارپاق‌لار دا سارالدې

یۏرقانداکې یارپاق‌لارا آیاق قۏیما، إله‌ بیل

آلتې بۏشدو، خندک اؤرتۆب بیر اۏوچو

ایندی کۆلک اینسان اۏلا، گیره‌ بیزیم کۏمایا

بوردان بیر یارپاق گؤتۆره‌، یئنه‌ چېخا بایېرا

قۏشا بیزیم یارپاغې دا اۏیناشان یارپاق‌لارا، –

دئیه‌: بو اوشاق’لا‌ دا اۏینایېن.

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

Kərpic-kərpic duvar olduq-Fərhad Kədxudayi-YeniQapi.com--

کرپیج-کرپیج دووار اۏلدوق / فرهاد کدخدائی (شعر)

کرپیج-کرپیج دووار اۏلدوق / فرهاد کدخدائی (شعر) بئینی‌نین دوستاغېندان اوچموش کیرپیک‌لردن آسېلې کرپیج‌لر باخ؛ آغلایېر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *