یئنی قاپې Yeni Qapı یئنی قاپې، یئنی بير باخېش‌دېر تۆرک دۆنیاسېنا
إشیدیرسَن‌می؟ / واقیف صمداۏغلو (شعر)
إشیدیرسَن‌می؟
آما نئجه إشیده‌سن…
ایکی ایل،
یئددی آیېن آیرې‌لېغې’یلا
توتولوب قولاق‌لارېمېز،
بیر یاندان دا بو یاغېش…
بو یاغېشدا جاناوارلار دا
آدام اۏلوب یۏرقان-دؤشه‌ڲه
گیرمک ایسته‌ییر‌لر.
گؤرۆر‌سن‌می؟
آما نئجه گؤره‌سن…
قورتارمایېب هله ده
آرامېزدان کئچن قاطارېن واقۏنون‌لارې.
بیر یاندان دا بو یاغېش…
بو یاغېشدا قۏرخودان
سَس-سَسه وئریب بار-بار باغېرېر
قۏبوستان قایالارې‌نېن اؤکۆز‌لری ده!
إشیدیرسَن‌می؟
آما نئجه إشیده‌سن…
ایکی ایل،
یئددی آیېن آیرې‌لېغې’یلا
توتولوب قولاق‌لارېمېز
بیر یاندان دا بو یاغېش…
1964
