یئنی یازې‌لار / Yeni Yazılar
آنا صفحه Ana Səhifə / ادبیات / شعرلر / 9 رۆباعی مؤولانادان (شعر)

9 رۆباعی مؤولانادان (شعر)

mövlana-yeniqapi

9 رۆباعی مؤولانادان (شعر)

1

کؤنۆل، اوجا دۏستا – اۏنا بیر یۏل وار،

یا گیز‌لی، یا آچېق… سېنا، بیر یۏل وار.

لاپ آلتې یؤندن ده‌ قاپانسا یۏل‌لار،

یار باغې‌نېن قاپې‌سېنا بیر یۏل وار.

2

حاقّ بیلگیسینی سئچ، گل،

یارا سېغېن! أجل’له‌ سۏورولما، دووارا سېغېن!

وار کیمی گؤرۆنن یۏخو ترک إیله،

یۏخ حئساب إتدیڲین اۏ وارا سېغېن!

3

نه‌ من – منم، نه‌ سن – سن‌سن، نه‌ سن – من،

هم من – منم، هم سن – سن‌سن، هم من – سن.

عئشقین’له دۏلویام، هؤتَنلی گؤزَل،

بیلمیرَم: أکیزیک، یۏخ’سا سن‌سن من؟!

4

هانسې باهار سَندَن شوخدور، تزه‌دیر؟

هانسې مهتاب سَندَن داها گؤزَل‌دیر؟

هانسې سَحَر داها خۏش مۆژده‌ وئردی؟

هانسې شکر سنه‌ رقیب مزه‌دیر؟

5

هارایا اۆز توتسام، سجده‌گاه‌ – اۏدور،

آلتې یؤنده‌، دېشدا تک ایلاه‌ – اۏدور.

باغ-معشوق، گۆل-بۆلبۆل – صېرف بهانه‌دیر،

بونلاردان تک مَقصَد، بیل، واللاه‌، اۏدور.

6

جانېندا بیر جؤوهر اویویار، یاتار،

تنینده‌ بیر گؤوهر اویویار، یاتار.

گؤوهر مدَنینی، إی حاقّ یۏلچوسو،

کنار‌دا آختارما، کؤنلۆنده‌ آختار.

7

یاشادېقجا أڲرییه‌ داییم آرخا چئویردیم،

تؤوبه‌ إتدیم أڲریدن، دۆزلۆڲه کؤنۆل وئردیم.

صاف-چۆرۆک إیله‌دیکجه هم أڲرینی، هم دۆزۆ،

سۏندا هر ایکی‌سی ده‌ اۏنونموش… بونو گؤردۆم.

8

آزدان دا، چۏخدان دا أل چَکَن کسین

زنگین‌لیک، درویش‌لیک پۏزماز نشه‌سین.

اۏ، أل-أتک اۆزۆب هر جۆر فانیدن،

تاپمازسان ذاتېندا من‌لیک ذرّه‌سی(ن).

9

هر جانلې تئز، یا دا گئج اؤلۆم شربتین دادار،

أجل بیر گۆن سَنین ده‌ گلیب یاخاندان توتار.

هئچ روامې ألین’له‌ ایمانلې بیر قارداشېن،

یا دا هر هانسې اینسان مین درده‌-غمه‌ باتا؟!

یازار / Yazar : آیهان میانالیAyhan Miyanalı

بو یازېنې دا اۏخویون /Bu Yazını da Oxuyun

سنلی خیال‌لار / مهری توانا (شعر)

سنلی خیال‌لار / مهری توانا (شعر)

سنلی خیال‌لار / مهری توانا (شعر) من اۏ اینسانام کی بلاسې چۏخ دېر اۏ قَدَر …


Warning: count(): Parameter must be an array or an object that implements Countable in /home/yeniqapi/public_html/wp-includes/class-wp-comment-query.php on line 399

Leave a Reply

Your email address will not be published. Required fields are marked *