یئنی قاپې Yeni Qapı یئنی قاپې، یئنی بير باخېش‌دېر تۆرک دۆنیاسېنا
گمی / پابلۏ نئرودا (شعر)
یۏلچولوق اۆده‌ڲینی وئردیکسه بو دۆنیادا، نه‌دن
نه‌دن بوراخمېر‌لار بیزی اۏتوراق، یئمک یئیَک..؟
بولود‌لارا باخماق ایسته‌ییریک،
گۆنشده یانماق، دوز اییله‌مک بیله…
کیمسه‌نی اۆزمه‌ڲه دۆشۆنگنمیریک.
نه‌دن إدَک ذاتن: بیز بو یۏلون یۏلچوسویوق یالنېز.
گئدیریک، زامانې دا گؤتۆرۆرۆک بیزیم’له.
دَنیز کئچیر یانېمېز‌دان، اۆستۆنده بیر گۆل وار،
کؤلگه‌ده گئدیر دۆنیا، آیدېن‌لېقدا.
سیز ده گلین بیزیم کیمی، بیز یۏلچولار.
سیزی اۆزۆب اینجیدن نه..؟
نه‌دن اؤفکه’یله وورورسونوز..؟
تاپانچالار قۏشانمېش کیمی، آختارېرسېنېز إله..؟
هر شئیین سیزین اۏلدوغونو دۆشۆرسه‌میردیک،
قدح‌لرین، ایسکیله‌لرین،
یاتاق‌لارېن، گۆزگۆلرین سیزینی،
سیزین اۏلدوغونوز دَنیزین، شارابېن، گؤڲ اۆزۆنۆن
باخېرېق بۆتۆن ماسا‌لار توتولموش ایندی.
اۏلماز دئیه دۆشۆنۆرۆک،
نئجه، آما نئجه ایناندېراجاق‌سېنېز بیزی..؟
هر یئر قاران‌لېقدې گمی‌یـه میندیڲیمیزده.
بیز ده چېلپاقدېق، عئینی یئردن گلیردیک،
قادېن‌لاردان، أرکک‌لردن گلیردیک، سیزین کیمی.
آج دۏغولموشدوق، تئز چېخدې دیش‌لریمیز!
أل‌لریمیز اۏلدو زامان’لا، گؤزلریمیز اۏلدو بیله،
چالېشاق دئیه، آغلایاق دئیه، گؤردۆک‌لریمیز اۆچۆن.
هئچ‌بیر حاققېمېز یۏخ ایندی ألیمیزده،
إله دئییرسینیز، گمی‌ده یئر یۏخ.
بیزیم’له دانېشمېرسېنېز،
اۏینامېرسېنېز بیزیم’له.
نه‌دن بو اۆستۆنلۆغۆنۆز، نه‌دن..؟
کیم قاشېق وئردی داها دۏغمازدان سیزه.؟
سئومَم یۏلچولوقدا، گیز‌لی کؤشه‌لرده
عئشق ایشېغېندان یۏخونون بۏش گؤزلر تاپماغې،
آج آغېزلار تاپماغې سئومَم.
یاخېنلاشان گۆز اۆچۆن پالتارېمېز یۏخ؛
قېش گله‌جک؛ قېش اۆچۆن هئچ، هئچ یۏخ.
نئجه یئرییه‌ریک باشماغېمېز اۏلماز’سا
دۆنیا‌نېن کسگین آلانتارېندا.؟
هاردا یئمک یئیه‌ریک ماسامېز اۏلماز’سا.؟
ایسکیله‌میز اۏلماز’سا هارایا اۏتوروروق.؟
بَڲ‌لر، دادسېز بیر هَنَک’سه بو،
قرار وئرین، کسین بو هَنه‌ڲی،
آرتېق سېراسې گلدی جیدّی اۏلماغېن.
دَنیز قودورموش. قان یاغېر.
