دؤنگه‌لر / دنیز صمدپور (شعر)

دؤنگه‌لر / دنیز صمدپور

نفس-نفس چېرپېنېرام
سن‌سیز اۏلان دؤنگه‌لره
ایتیرمیشم بیر کیمسه‌نی
یاشایېشېن کۆچه‌سینده
پنجره‌نین کنارېندا
یئتیم قالېب چای فینجانېم
عادت اۏلوب اۆرە‌ڲیمه
سن‌سیز ،سن’له، یاشاماغېم
کؤنۆل وئرمیر اؤزگه‌سینه
سوسقون-سوسقون سئویر سنی
کؤچدن قالان بیر یۏلچو تک
قَهَر یاتېب ایچه‌ریمه
بیر هیندی زینقرۏو ساتان
دۆننکی گۆن دانیېشمازدان
بئله دئدی:
دیوانه‌سن دیوانه‌سن
سن عقل‌دن بیگانه‌سن
شعری’له سن هم خانه‌سن
اۏ گئتدی آما بیلمه‌دی
ایتیرمیشین گؤزۆ آرار
منده یاتان سئوگی‌لرین،
دوستاقلانمېش دویقولارېن
نعره‌سی قالخدې گؤڲ‌لره
دۏلموش بولود
بیر آز دا سوس
ساغ‌اۏللاشاق